आपल्या शहरातील ताज्या बातम्या आणि ई-पेपर मिळवा मोफत

डाउनलोड करा
  • Marathi News
  • National
  • Home Minister Amit Shah Today With CRPF Jawans । Shah Will Play Holi With CRPF; High Level Meeting Over Security Situation In Kashmir

अमित शहा आज जम्मू-काश्मीर दौऱ्यावर:सीआरपीएफ जवानांसोबत धुळवड साजरी करणार गृहमंत्री; काश्मिरातील सुरक्षा परिस्थितीबाबत उच्चस्तरीय बैठक

नवी दिल्ली2 महिन्यांपूर्वी
  • कॉपी लिंक

केंद्रीय गृहमंत्री अमित शहा आजपासून दोन दिवसीय जम्मू-काश्मीर दौऱ्यावर जात आहेत. तेथे ते सीआरपीएफ ग्रुप सेंटरमध्ये लष्कराच्या जवानांसोबत धुळवड साजरी करतील. यानंतर शाह प्रस्तावित विधानसभा निवडणुकीच्या पार्श्वभूमीवर सुरक्षा परिस्थितीचा आढावा घेतील. त्यांचा हा दौरा निवडणुकीच्या दृष्टीने अत्यंत महत्त्वाचा मानला जात आहे. गृहमंत्री 19 मार्च रोजी CRPFच्या 83व्या स्थापना-दिवसाच्या कार्यक्रमात सहभागी होतील, जिथे ते जम्मू आणि काश्मीरच्या सुरक्षेअंतर्गत रणनीती तयार करण्यासाठी सुरक्षा यंत्रणांसोबत बैठक घेतील.

वृत्तसंस्थेनुसार ते अमरनाथलाही जाऊ शकतात. गेल्या पाच महिन्यांतील अमित शहा यांचा हा दुसरा दौरा आहे. यापूर्वी ते 5 दिवसांच्या जम्मू-काश्मीर दौऱ्यावर आले होते.

जम्मूतील सुरक्षेबाबत शाह यांची उच्चस्तरीय बैठक

होळीच्या दुसऱ्या दिवशी शाह जम्मू-काश्मीरच्या सुरक्षेच्या दृष्टीने उच्चस्तरीय बैठक घेणार आहेत. या बैठकीत पोलीस, सीआरपीएफ, आर्मी, इंटेलिजन्सचे अनेक बडे अधिकारी उपस्थित राहणार आहेत. याशिवाय सुरक्षा यंत्रणांचे वरिष्ठ अधिकारी या बैठकीला उपस्थित राहणार आहेत. अमरनाथ यात्रा दोन वर्षांनंतर पुन्हा सुरू होणार असल्याने अमरनाथ यात्रेतील यात्रेकरूंच्या सुरक्षेबाबतही या बैठकीत चर्चा होण्याची शक्यता आहे.

काश्मीरमधील टार्गेट किलिंगबाबतही चर्चा होऊ शकते

जम्मू-काश्मीरमध्ये येत्या 8 महिन्यांत विधानसभा निवडणुका घेण्याची घोषणा करण्यात आली आहे. तेव्हापासून पंच-सरपंचांचा जीव धोक्यात आला आहे. अनेक सरपंचांची टार्गेट किलिंग करण्यात आली. दक्षिण काश्मीरमध्ये या महिन्यात तीन सरपंचांची दहशतवाद्यांनी हत्या केली होती. गेल्या काही दिवसांपासून काश्मीरमध्ये टार्गेट किलिंग आणि दहशतवादी कारवायाही वाढल्या आहेत, त्याबाबत शाह सुरक्षा यंत्रणांशी चर्चा करू शकतात.

बातम्या आणखी आहेत...