नवरदेवाने कमी दिला हुंडा, नवरीने थेट लग्नच मोडले:सप्तपदी घेण्याआधी केली 2 लाखांची मागणी, मांडवातच गेली नाही

हैदराबादमध्ये वराकडून कमी हुंडा मिळाल्याने एका वधूने लग्न मोडल्याची घटना घडली आहे. वास्तविक, येथील आदिवासी समाजात अशी परंपरा आहे की हुंडा वधू नाही तर वर देतो. याबाबत नववधूने हुंड्यात दोन लाख रुपये हवेत, अशी मागणी केली होती. वरपक्षाने पैसे देण्याचे मान्य केले असले तरी मुलगी मंडपातच पोहोचली नाही. ही घटना गुरुवारची आहे, त्याची माहिती आता समोर आली आहे.

मुलीला लग्नात रस नाही म्हणून बहाणा केला

लग्नाचा मंडप सजला होता, वराकडील मंडळी आणि पाहुणेही जमले होते. अनेक तास नवरीची वाट पाहिली, पण ती आलीच नाही. यामुळे वर आणि त्यांचे कुटुंबीय वधू थांबलेल्या हॉटेलमध्ये पोहोचले. संतप्त झालेल्या वरपक्षाने तेथे जाऊन नवरीकडील मंडळींना अनेक प्रश्न विचारले. जेथे वधूला या लग्नात रस नसल्याचे समजल्याने त्यांनी हुंड्याच्या बहाण्याने थेट लग्नच मोडले.

याबाबत वर आणि त्याच्या कुटुंबीयांनी पोलिसांत तक्रार केली होती. पोलिसांनी घटनास्थळ गाठून वधूच्या कुटुंबीयांना चर्चा करण्यासाठी बोलावले. यानंतर दोन्ही कुटुंबांनी आपसात समझोता केला आणि लग्न मोडले. मात्र, कोणावरही गुन्हा दाखल झाला नाही.

हुंड्यात जुने फर्निचर दिल्यानेही मोडले होते लग्न

जुने फर्निचर हुंड्यात दिल्याने हैदराबादमधील एका मुलाने लग्न मोडले. गत महिन्यातील ही घटना आहे. बसचालक म्हणून काम करणाऱ्या मोहम्मद झाकीरचे 19 फेब्रुवारीला लग्न होणार होते, मात्र तो लग्नाच्या स्थळी पोहोचलाच नाही.

जेव्हा वधूचे वडील त्यांच्या घरी गेले तेव्हा झाकीरने सांगितले की, आपण हुंड्यात सेकंडहँड फर्निचर दिले होते, म्हणून त्याने लग्न मोडले. वधूच्या वडिलांनी आरोप केला आहे की, यादरम्यान वराच्या कुटुंबीयांनी त्यांना शिवीगाळ करून पिटाळून लावले.