आपल्या शहरातील ताज्या बातम्या आणि ई-पेपर मिळवा मोफत

डाउनलोड करा
  • Marathi News
  • National
  • Hyderabad Jubilee Hills Gangrape Case; After Gangrape, The Minor Girl Was Raped Again | Marathi News

हैदराबाद गँगरेप प्रकरणात मोठा खुलासा:गँगरेपनंतर अल्पवयीन मुलीवर पुन्हा बलात्कार, वडिलांना बेसमेंटमध्ये सापडली होती मुलगी

हैदराबाद20 दिवसांपूर्वी
  • कॉपी लिंक

हैदराबाद सामूहिक बलात्कार प्रकरणात एका नवा खुलासा झाला आहे. पोलिस सूत्रांनी दिलेल्या माहितीनुसार, पॉश एरिया ज्युबिली हिल्समध्ये अल्पवयीन मुलीवर सामूहिक बलात्कार केल्यानंतर आरोपींनी पुन्हा बलात्कार केला. पोलिसांनी सांगितले की, आरोपी पीडितेला परत सोडण्यासाठी पबमध्ये गेले होते. येथे त्यांनी पबच्या बेसमेंटमध्ये पुन्हा बलात्कार केला. पीडितेच्या वडिलांना त्यांची मुलगी याच बेसमेंटमध्ये सापडली होती. पोलिसांना एक व्हिडिओही मिळाला आहे. हा व्हिडिओ आरोपींनी सामूहिक बलात्काराच्या वेळी शूट केला होता.

18 वर्षीय आरोपीला न्यायालयात हजर करण्यात आले
या प्रकरणी आतापर्यंत एका अल्पवयीन आरोपीसह एकूण 6 आरोपींना अटक करण्यात आली आहे. 18 वर्षीय आरोपीला सोमवारी सकाळी स्थानिक न्यायालयात हजर करण्यात आले. न्यायालयाने त्याची रवानगी न्यायालयीन कोठडीत केली. आरोपी सध्या चंचलगुडा कारागृहात आहे. पोलिसांनी ५ अल्पवयीन मुलांची चौकशी केली असून, या सर्वांनी सामूहिक बलात्काराची कबुली दिली आहे. तथापि, 18 वर्षीय आरोपीने सांगितले की, मुख्य आरोपी अल्पवयीन होता, त्याला नेल्लोरमधील एका प्रार्थनास्थळावरून पकडण्यात आले होते.

28 मे रोजी याच मर्सिडीज कारमधून मुलांनी पीडितेला लिफ्ट दिली होती.
28 मे रोजी याच मर्सिडीज कारमधून मुलांनी पीडितेला लिफ्ट दिली होती.

आरोपींची पार्श्वभूमी राजकीय
28 मे रोजी अल्पवयीन मुलीवर सामूहिक बलात्कार झाला होता. या प्रकरणातील तिन्ही आरोपींची पार्श्वभूमी राजकीय आहे. या प्रकरणात पोलिसांकडे ५ अल्पवयीन असून सादुद्दीन मलिक हा एकमेव प्रौढ आरोपी आहे. मुलीच्या वडिलांनी बुधवार, 1 जून रोजी आरोपीविरुद्ध तक्रार दाखल केली होती. हैदराबादमधील जुबली हिल्स पोलिस स्टेशनमध्ये आयपीसी कलम 354 आणि पॉक्सो कायद्यानुसार गुन्हा दाखल करण्यात आला आहे.

आमदाराच्या मुलाचाही सहभाग
हैदराबाद सामूहिक बलात्कार प्रकरणाशी संबंधित काही फोटो व्हायरल झाले होते, ज्यामध्ये AIMIM आमदाराचा मुलगाही घटनास्थळी दिसला होता. भाजप आमदार रघुनंदन राव यांनी हा फोटो जारी करून या प्रकरणात आमदाराच्या मुलाचा हात असल्याचे सांगितले होते, त्यानंतर पोलिसांनी आमदाराच्या मुलालाही पकडले होते.

बातम्या आणखी आहेत...