आंध्र CM ची बहीण बसलेली गाडी चक्क पोलिसांनी क्रेनने ओढली:हैदराबादमध्ये मुख्यमंत्र्यांच्या विरोधात करत होत्या निदर्शने

हैदराबाद पोलिसांनी YSRTP प्रमुख शर्मिला रेड्डी यांच्या कारला क्रेनने ओढले. यावेळी शर्मिला या कारमध्ये बसलेल्या होत्या. यामुळे राजकीय वातावरण तापलं आहे. शर्मिला या आंध्र प्रदेशचे मुख्यमंत्री जगन मोहन रेड्डी यांच्या बहीण आहेत. तेलंगणातील लोकांसाठी राजकीय पर्याय म्हणून त्यांनी 2021 मध्ये YSRTP पक्षाची स्थापना केली होती.

काय आहे संपूर्ण प्रकरण
एक दिवस आधी तेलंगणातील वारंगलमध्ये केसीआर यांचा पक्ष टीआरएस आणि वायएसआरटीपी कार्यकर्त्यांमध्ये हाणामारी झाली होती. मीडिया रिपोर्ट्सनुसार, शर्मिला यांना या प्रकरणी हैदराबाद पोलिसांनी ताब्यात घेतले आहे. पोलिसांनी त्याला ताब्यात घेऊन हैदराबादला नेले. नेत्या शर्मिला यांच्या ताफ्यातील प्रचार बसला काही लोकांनी आग लावण्याचा प्रयत्न केल्याचे वृत्त आहे. पोलिस घटनास्थळी पोहोचताच ते लोक पळून गेले.

ही घटना घडली तेव्हा शर्मिला आपल्या समर्थकांसह पदयात्रेवर होत्या. यादरम्यान पोलिस तेथे पोहोचले. शर्मिला आणि त्यांच्या समर्थकांना अटक करण्यास सुरुवात केली. वायएसआरटीपी प्रमुख शर्मिला यांनी आपण आरोपी नाही तर मी पीडित आहोत, असे म्हटले.

शर्मिलाने तिच्या जीवाला धोका असल्याचे सांगितले होते
सप्टेंबरमध्ये शर्मिला यांनी आपल्या वडील म्हणजेच आंध्र प्रदेशचे माजी मुख्यमंत्री डॉ वायएस राजशेखर रेड्डी यांच्या मृत्यूमागे कट असल्याचा आरोप केला होता. तसेच आपल्याही जीवाला धोका असल्याचा दावा त्यांनी केला होता. राजशेखर रेड्डी यांना डिसेंबर 2009 मध्ये हेलिकॉप्टर अपघातात प्राण गमवावे लागले. काही महिन्यांनी विधानसभा निवडणुकीत काँग्रेसने सलग दुसऱ्यांदा विजय मिळवला.

महबूबनगरमध्ये शर्मिला म्हणाल्या होत्या की, वायएस राजशेखर रेड्डी यांचा मृत्यू हा एका कटाचा परिणाम आहे आणि मलाही मारण्याचा प्रयत्न केला जात आहे, पण तेलंगणाचे मुख्यमंत्री केसीआर यांनी लक्षात ठेवावे की मी वायएसआरची मुलगी असून मी निर्भय आहे.