गुजरातमध्ये पेपरफुटी प्रकरणात कायदा येणार:मुख्यमंत्री भूपेंद्र पटेल यांच्या अध्यक्षतेखाली झालेल्या मंत्रिमंडळ बैठकीत चर्चा

गुजरातमध्ये प्रश्नपत्रिका फुटण्याचा प्रकारात सरकार नवा कायदा तयार करणार आहे. यासंदर्भात मुख्यमंत्री भूपेंद्र पटेल यांच्या अध्यक्षतेखाली झालेल्या मंत्रिमंडळ बैठकीत चर्चा झाली. राज्य सरकारचे प्रवक्ते मंत्री ऋषिकेश पटेल म्हणाले, पेपर लीक प्रकरणात सरकार नवा कायदा आणेल. हा कायदा अर्थसंकल्पीय अधिवेशनात आणला जाईल आणि पेपर लीक प्रकरणात सहभागी लोकांविरुद्ध कठोर कारवाईची तरतूद असेल. २९ जानेवारी रोजी कनिष्ट लिपिक पदाच्या परीक्षेची प्रश्नपत्रिका फुटली होती.