आपल्या शहरातील ताज्या बातम्या आणि ई-पेपर मिळवा मोफत

Install App
  • Marathi News
  • National
  • India China Border Issue: CDS Bipin Rawat Said Military Option On Table If Talks Fail

सीमा वादावर चीनला अल्टीमेटम:सीडीएस रावत म्हणाले - बैठकीनंतर प्रश्न सुटला नाही तर लष्करी पर्याय तयार; गलवान चकमकीनंतर लष्कराच्या अधिकाऱ्यांनी घेतल्या आहेत 2 बैठका

एका महिन्यापूर्वी
  • कॉपी लिंक
  • लडाखमध्ये डिसएंगेजमेंटच्या सहमतीनंतरही चीन फिंगर एरिया, देप्सांग आणि गोगरामधून मागे हटलेला नाही
  • गलवान खोऱ्यांमध्ये भारत-चीनमध्ये 15 जूनला झालेल्या चकमकीमध्ये 20 भारतीय जवान शहीद झाले होते

भारत-चीन सीमा वादाच्या दरम्यान, चीफ ऑफ डिफेन्स स्टाफ (सीडीएस) जनरल बिपिन रावत यांनी एक मोठे विधान केले आहे. एएनआयनुसार रावत यांनी स्पष्टपणे सांगितले की, 'जर चीनशी बाचतिक करून हा वाद मिटवला गेला नाही तर लष्करी पर्यायही खुला आहे. अन्यथा शांततेने तोडगा काढण्यासाठी प्रयत्न सुरू आहेत'

15 जून रोजी गलवानमध्ये भारत-चीन संघर्षानंतर लडाखमधील वादग्रस्त भागातून सैन्य मागे घेण्यासाठी भारत-चिनी सैन्य अधिका-यांमध्ये दोनदा बैठक झाली. या बैठकी 30 जून आणि 8 ऑगस्ट रोजी चिनी भागातील मोल्दो येथे झाल्या होत्या. चीन फिंगर एरिया, देप्सांग आणि गोगरा येथून माघार घेण्यास तयार नाही.

रावत म्हणाले- सेना प्रत्येक वेळ तयार असते
सीडीएसने म्हटले आहे की लडाखमधील वास्तविक नियंत्रण रेषेच्या (एलएसी) सभोवतालची अतिक्रमणे रोखण्यासाठी आणि अशा प्रयत्नांवर नजर ठेवण्याचे आर्मीला सांगितले गेले आहे. बाचतिक करुन हा वाद मिटवावा अशी सरकारची इच्छा आहे, परंतु जर काही कारणास्तव एलएसीवर परिस्थिती सामान्य ठेवण्याचा प्रयत्न यशस्वी झाला नाही तर सैन्य नेहमीच तयार आहे.

संरक्षणमंत्री सर्व पर्यायांचा आढावा घेत आहेत
रावत म्हणाले की, संरक्षणमंत्री राजनाथ सिंह, राष्ट्रीय सुरक्षा सल्लागार (एनएसए) अजित डोभाल आणि अन्य संबंधित लोक लडाखमध्ये एप्रिल पूर्वीची स्थिती बहाल करण्याच्या सर्व पर्यायांचा आढावा घेत आहेत. गुप्तचर यंत्रणांमध्ये समन्वयाचा अभाव असल्याचे वृत्तही रावत यांनी फेटाळून लावले आहे. ते म्हणाले की सर्व एजन्सींमध्ये सतत संवाद होत असतो. मल्टी एजेंसी केंद्रे दररोज भेटतात. आम्ही सीमेवर आपल्या भागात 24 तास पाळत ठेवण्याचे काम करत आहोत.

चीन लडाखमधील बर्‍याच भागातून माघार घेत नाही
गलवान संघर्षानंतर एनएसए डोभाल यांच्याशी झालेल्या संभाषणात चीनने विवादित क्षेत्रातून माघार घेण्याचे मान्य केले. पहिल्या टप्प्यातील डिसएंगेजमेंट पूर्ण झाले होते, परंतु बर्‍याच भागात पुन्हा चीन हट्टी वृत्ती स्वीकारत आहे. 15 जून रोजी गलवान खोऱ्यात भारत आणि चीन यांच्यात झालेल्या चकमकीत 20 भारतीय सैनिक ठार झाले होते. चीनमध्येही सुमारे 35 सैनिक ठार झाले, पण त्यांनी हे कधीही स्वीकारले नाही.

0