इंडिया स्किल्स रिपोर्ट-2023:देशातील 3.75 लाख सहभागींची चाचणी, 15पेक्षा जास्त उद्योगांतील 150 कंपन्यांच्या सर्वेक्षणातील माहिती

विक्रम... ७ वर्षांत प्रथमच भारतीय ५०% तरुण नोकरीयोग्य आढळले
जर तुम्हाला असे वाटत असेल की देशातील तरुणांमध्ये नोकरीसाठी पात्रता नाही, तर हे आकडे अवश्य वाचा. इंडिया स्किल्स रिपोर्ट-२०२३ नुसार, देशातील ५०.३% तरुण नोकरीसाठी पात्र आहेत. २०१७ ते २०२३ या ७ वर्षांत पहिल्यांदाच ‘पात्र’ तरुण ५०% पेक्षा अधिक आहेत. २०२२ मध्ये ४६% तरुण या श्रेणीत होते. देशातील ३.७५ लाख तरुणांच्या व्हीबॉक्स नॅशनल एम्प्लॉयबिलिटी टेस्ट (डब्ल्यूनेट) व १५ पेक्षा अधिक उद्योगांतील १५० कंपन्यांवर केलेल्या हायरिंग इंटेंट सर्वेक्षणातून ही ताजी माहिती समोर आली आहे.

कुशल; राजस्थानात आहेत देशात सर्वाधिक नोकरीयोग्य महिला
{रोजगाराच्या पात्रतेत पुरुषांपेक्षा (४७%) पुढे आहेत महिला (५३%). २०१७ पासून असाच ट्रेंड आहे.
{रोजगारयोग्य सर्वाधिक महिला (५३.५६) राजस्थानात, आणि पुरुष (५८%) ओडिशात आहेत.
{२२-२५ वयोगटातील तरुण नोकरीसाठी सर्वाधिक (५६%) पात्र आढळले. याच कारणामुळे यंदा ३८% मागणी १ ते ५ वर्षांपर्यंतचा अनुभव असणाऱ्यांना राहील.
{एम्प्लॉयबिलिटी टेस्टमध्ये भाग घेणारे ८९% तरुण इंटर्नशिपसह करिअर सुरू करू इच्छितात.

बदल... आता नोकऱ्या मिळण्यात बीकॉमवाले टॉप, बीटेकवाले मागे
बी.कॉम. वाल्यांसाठी एक आनंदाची बातमी आहे. वेबबॉक्स नॅशनल एम्प्लॉयबिलिटी टेस्टचे परिणाम असे दर्शवतात की या कोर्समधील सर्वाधिक ६०.६२% सहभागी रोजगारयोग्य आहेत. एमबीएचे विद्यार्थी ६०.१% मिळवून दुसरे आले. २०२२ मध्ये, बी.कॉम ४२.६२% सह पाचव्या क्रमांकावर होते. त्याच वेळी, टॉप केलेले बी.टेक विद्यार्थी २०२३ मध्ये ५७.४४% सह चौथ्या क्रमांकावर घसरले. बीफार्मा (५७.५१%) तिसरे आले. गेल्या ७ वर्षात प्रथमच बीकॉम या यादीत वरच्या स्थानावर पोहोचले आहेत. तर बी.टेक लोकांनी ७ पैकी ५ वेळा टॉप केले आहे.

हायरिंग; या वर्षी ३१% इंडस्ट्री इंजिनिअर्सच्या भरतीसाठी सज्ज
{उद्योगाच्या दृष्टीने, ऑटोमोटिव्ह, अभियांत्रिकी आणि इंटरनेट व्यवसायात २०२३ मध्ये जास्तीत जास्त भरती अपेक्षित आहे. २०२२ मध्ये आयटी, सॉफ्टवेअर, हार्डवेअर आघाडीवर होते.
{नॅसकॉमच्या अहवालानुसार २०३० पर्यंत रिटेल क्षेत्रात जास्तीत जास्त २.५ कोटी नोकऱ्या येऊ शकतात.
{या वर्षी ३१% उद्योग अभियंत्यांची भरती करण्याच्या तयारीत आहेत.
{पुढील ७ वर्षांत म्हणजे २०३० पर्यंत, डिजिटल आणि डेटा साक्षरता, भावनिक बुद्धिमत्ता आणि सर्जनशीलतेसारख्या कौशल्यांची मागणी झपाट्याने वाढेल.

दबदबा... नोकरभरतीमध्ये महाराष्ट्र अग्रेसर, तर पात्रतेत उत्तर प्रदेश पुढे
द इंडिया स्किल्स रिपोर्ट - २०२३ नुसार रोजगारक्षमतेच्या बाबतीत उत्तर प्रदेशने महाराष्ट्राला मागे टाकून देशात प्रथम क्रमांक पटकावला आहे. ७२.७% लोक उत्तर प्रदेशमध्ये,६९.८% महाराष्ट्रात आणि ६८.९% दिल्लीत रोजगारक्षम असल्याचे आढळले. मात्र, महाराष्ट्रात सर्वाधिक नोकऱ्या दिल्या गेल्या. या यादीत कर्नाटक दुसऱ्या, दिल्ली तिसऱ्या स्थानावर आहे. रोजगारक्षमतेच्या बाबतीत शहरांच्या बाबतीत मुंबई प्रथम, लखनौ द्वितीय, मंगलोर तिसरे आणि दिल्ली चौथ्या स्थानावर आहे. संगणक कौशल्यात राजस्थान अव्वल, तेलंगणा क्रिटिकल थिंकिंगमध्ये आणि आंध्र संख्यात्मक तर्कामध्ये अव्वल आहे.
{नोकरीसाठी देशातील टॉप-१० आवडत्या शहरांत बंगळुरू प्रथम, हैदराबाद दुसरे पुणे तिसरे, चेन्नई चौथे, कोइम्बतूूर ५ वे, दिल्ली सहावे.
{~०-२.६ लाख वार्षिक वेतनासाठी तामिळनाडू टॉपवर. त्यानंतर महाराष्ट्र, यूपीचा क्रमांक. २.६ लाखांवर वार्षिक पॅकेजसाठी आंध्र-कर्नाटक टॉप-२ मध्ये. {शहरांत गाझियाबादेत सर्वाधिक ७५% पुरुष आणि तिरुपतीमध्ये सर्वाधिक ४७% महिला रोजगारासाठी पात्र आढळल्या आहेत.
{आयटीसाठी सर्वाधिक योग्य तरुण कर्नाटकमध्ये.

शहर; काम करण्यासाठी बंगळुुरू आणि हैदराबादला सर्वाधिक पसंती