संयुक्त राष्ट्र मिशन:महिला शांतता सैनिकांची संख्या वाढवणार भारत, अबेईत तैनाती होणार

भारताने पुन्हा एकदा संयुक्त राष्ट्र मिशनमध्ये महिला शांतता सैनिकांची तैनाती वाढवण्याचा निर्णय घेतला आहे. संयुक्त राष्ट्रातील भारताच्या कायम प्रतिनिधी रुचिरा कंबोज यांनी सांगितले की, भारत संवेदनशील क्षेत्र अबेईत संयुक्त राष्ट्र मिशनमध्ये आमच्या बटालियनच्या हिश्शाच्या रूपात शांतता सैनिकांच्या रूपात महिलांची पूर्ण तुकडी तैनात करत आहे. ही अलीकडच्या वर्षांतील महिला शांतता सैनिकांची सर्वात मोठी तैनाती आहे. कंबोज म्हणाल्या, अबेईत महिला शांतता रक्षकांची प्लाटून ६ जानेवारी २०२३ रोजी संयुक्त राष्ट्र सुरक्षा दल, अबेईत(यूएनआयएसएफए) तैनात होईल.