देशातील पहिले प्रवासी ड्रोन तयार:नौदलाचे अधिकारी 'वरुण'मध्ये करणार उड्डाण, 130 किलो वजन उचलण्यास सक्षम

भारतीय नौदलासाठी देशातील पहिले पॅसेंजर ड्रोन महाराष्ट्रात तयार करण्यात आले आहे. 'वरुण' असे या ड्रोनचे नाव आहे. हे 130 किलो वजनासह उड्डाण करू शकते, जे 25 ते 33 मिनिटांत 25 किमीचा प्रवास पूर्ण करेल. पुण्याच्या चाकण सागर डिफेन्स इंजिनिअरिंग कंपनीने हे ड्रोन बनवले आहे.

तांत्रिक बिघाड झाल्यास पॅराशूटद्वारे सुरक्षित लँडिंग
कंपनीचे सह-संस्थापक बब्बर यांनी सांगितले की, हवेत तांत्रिक बिघाड झाल्यानंतरही ड्रोन सुरक्षित लँडिंग करण्यास सक्षम आहे. यात पॅराशूट देखील आहे, जे आपत्कालीन किंवा खराबी दरम्यान आपोआप उघडेल आणि ड्रोन सुरक्षितपणे उतरेल. यासोबतच वरुणचा वापर एअर अॅम्ब्युलन्ससाठी आणि दूरच्या भागात सामान पोहोचवण्यासाठी करता येईल.

वरुणची ट्रायल तीन महिन्यांत सुरू होईल
ड्रोन पूर्णपणे स्वयंचलित आहे. म्हणजेच नौदलाच्या अधिकाऱ्यांना फक्त त्यात बसावे लागेल, ड्रोनच त्यांना एका ठिकाणाहून दुसऱ्या ठिकाणी घेऊन जाईल. वरुणच्या सागरी चाचण्या येत्या ३ महिन्यांत सुरू होणार आहेत.

पंतप्रधानांसमोर झाले प्रात्यक्षिक
जुलैमध्ये पंतप्रधान नरेंद्र मोदी यांच्यासमोर ड्रोनचे प्रात्यक्षिक करण्यात आले होते, जिथे त्यांच्यासोबत केंद्रीय संरक्षण मंत्री राजनाथ सिंह होते. त्याचा व्हिडिओ नागरी विमान वाहतूक मंत्रालयाच्या सोशल मीडिया अकाउंटवरही शेअर करण्यात आला होता.