हेरॉइन जप्त:भारत-पाक सीमेवर तीन किलो हेरॉइन, ड्रोन जप्त

पंजाबच्या तरणतारण जिल्ह्यात भारत-पाकिस्तान सीमेवर रविवारी सीमा सुरक्षा दलाने पुन्हा ३ किलो हेरॉइनसह एक ड्रोन जप्त केले आहे. ही जप्ती पंजाब पोलिस व सीमा सुरक्षा दलाच्या संयुक्त माेहीमेत करण्यात आली. पोलिस महासंचालक गौरव यादव यांनी सांगितले , तरणतारणमध्ये सीमापार संयुक्त मोहिमेत हे हेरॉइन जप्त करण्यात आले. याआधी बीएसएफ महासंचालक पंकजसिंग यांनी सांगितले की, या वर्षी बीएसएफने १६ ड्रोन पाडले आहेत.