आपल्या शहरातील ताज्या बातम्या आणि ई-पेपर मिळवा मोफत

Install App
  • Marathi News
  • National
  • ISRO Scientist Tapan Misra Poisoned Arsenic Trioxide On May 23, 2017 | Tapan Misra Speaks To Dainik Bhaskar

ADS Free बातम्या वाचण्यासाठी आताच इंस्टॉल करा दिव्य मराठी अ‍ॅप

ISRO वैज्ञानिकाचा गंभीर आरोप:कधी विष देऊन तर कधी घरात साप सोडून झाला हत्येचा प्रयत्न

4 महिन्यांपूर्वी
  • कॉपी लिंक
  • डॉ विक्रम साराभाई यांच्या रहस्यमय मृत्यूचा हवाला देत त्यांनी केंद्र सरकारकडे चौकशी करण्याची मागणी केली आहे.

भारतीय अंतराळ संशोधन संस्थेचे (ISRO) वरिष्ठ सल्लागार आणि अव्वल वैज्ञानिक डॉ. तपन मिश्रा यांनी आरोप लावला आहे की, त्यांना तीन वर्षात तीन वेळा विष देऊन मारण्याचा प्रयत्न झाला होता. डॉ. मिश्रा 31 जानेवारी 2021 रोजी निवृत्त होत आहेत. यापूर्वी 5 जानेवारी रोजी सोशल मीडिया पोस्टमध्ये त्यांनी खुलासा केला होता की, बाहेरच्या लोकांना वाटत नाही की, ISRO च्या वैज्ञानिकांनी पुढे जावे आणि कमी खर्चात टिकाऊ सिस्टम बनवावी.

डॉ. मिश्रा यांनी तंत्रज्ञानाच्या सहाय्याने आंतरराष्ट्रीय हेरगिरी हल्ला म्हणून त्याचे वर्णन केले आहे. डॉ विक्रम साराभाई यांच्या रहस्यमय मृत्यूचा हवाला देत त्यांनी केंद्र सरकारकडे चौकशी करण्याची मागणी केली आहे. डॉ. मिश्रा यांच्यासोबतच्या चर्चेचा काही अंश

'विष प्रयोगामुळे दोन वर्षे ब्लीडिंग होत राहिली'
डॉ. मिश्रा यांच्यानुसार, 'खूप दिवस हे रहस्य लपलेले होते. अखेर याला सार्वजनिक करावे लागले. पहिल्यांदा 23 मे 2017 ला बंगळुरु मुख्यालयात प्रमोशन इंटरव्ह्यू दरम्यान ऑर्सेनिक ट्रायऑक्साइड देण्यात आले होते. हे शक्यतो लंचनंतर डोसेच्या चटणीमध्ये मिसळले होते. कारण लंचनंतर माझ्या भरलेल्या पोटात राहिल. नंतर शरीरात पसरुन ब्लड क्लॉटिंग व्हावे आणि हार्ट अटॅकने माझा मृत्यू व्हावा. मात्र मला लंच आवडले नाही. यामुळे मी चटणीसोबत थोडा डोसा खाल्ला. यामुळे केमिकल पोटात टिकले नाही. मात्र यामुळे दोन वर्षे मला खूप ब्लीडिंग झाली.'

वैज्ञानिक डॉ. मिश्रा यांच्या शरीरावरील साइड इफेक्टचे फोटो
वैज्ञानिक डॉ. मिश्रा यांच्या शरीरावरील साइड इफेक्टचे फोटो

'2019 आणि 2020 मध्येही मारण्याचा प्रयत्न'
सीनियर वैज्ञानिकानुसार, 'दुसरा हल्ला चंद्रयान-2च्या लॉन्चिंगच्या दोन दिवसांपूर्वी झाला. 12 जुलै 2019 ला हायड्रोजन सायनाइनने मारण्याचा प्रयत्न झाला. तेव्हा NSG अधिकाऱ्यांच्या सजगतेने माझे प्राण वाचले. माझ्या हायसिक्योरिटीच्या घरात सुरंग बनवून विषारी सापही सोडले. तिसऱ्यांदा सप्टेंबर 2020 मध्ये आर्सेनिक देऊन मारण्याचा प्रयत्न झाला. यानंतर मला श्वासाचा गंभीर आजार, फोड, कातडी निघणे, न्यूरोलॉजिकल आणि फंगल इन्फेक्शनची समस्या होऊ लागली'

'एम्स दिल्लीचे डॉ. सुधीर गुप्ता यांनी म्हटले की, त्यांच्या करिअरमध्ये आर्सेसिनेशन ग्रेड मॉलिक्यूलर ‘एएस203’ पासून वाचण्याचे हे पहिले प्रकरण आहे. जून 2017 मध्येच एक डायरेक्टर सहकारी आणि गृह मंत्रालयाच्या अधिकाऱ्याने विष प्रयोग होण्याचा इशारा दिला होता'

'हल्ल्याचा हेतू काय'
डॉ. मिश्रा म्हणतात की, अशा हल्ल्यांचा हेतू सैन्य आणि कमर्शियल महत्त्वाचे सिंथेटक अपर्चर रडार बनवणाऱ्या वैज्ञानिकांना निशाणा बनवणे किंवा रस्त्यावरुन हटवणे असतो. मी माझी समस्या माझ्या सीनियर्सला सांगितली. माजी चेअरमन किरण कुमार यांनी ऐकले, मात्र डॉ. कस्तूरीरंगन आणि माधवन नायर यांनी ऐकले नाही. यानंतरही हत्येचा प्रयत्न सुरूच राहिला.

अहमदाबाद येथील इस्त्रोचे स्पेस अॅप्लीकेशन सेंटर (सेक) मध्ये 3 मे 2018 ला स्फोट झाला होता. यामध्ये मी वाचलो. स्फोटामध्ये 100 कोटी रुपयांची लॅब नष्ट झाली. जुलै 2019 मध्ये एक भारतीय-अमेरिकी प्रोफेसर माझ्या ऑफिसमध्ये आले. पण याविषयीही काहीही बोलू नका, आम्ही तुमच्या मुलाला अमेरिकी इंस्टीट्यूटमध्ये दाखल करतो अशी ऑफर दिली. मी नकार दिला तर मला सेक डायरेक्टर पदावरुन हटवण्यात आले.

डॉ. मिश्रा यांच्या रिपोर्टमध्ये आर्सेनिकची पुष्टी
डॉ. मिश्रा यांच्या रिपोर्टमध्ये आर्सेनिकची पुष्टी

'सुरक्षा असुनही घरात साप निघत आहेत'
डॉ. मिश्रा सांगतात की, दोन वर्षांपासून घरात कोबरा, करैत सारखे विषारी साप सापडत आहेत. यापासून बचाव करण्यासाठी प्रत्येक 10 फुटांवर कार्बोलिक अॅसिडची सुरक्षा जाळी आहे. तरीही साप सापडत आहेत. एक दिवस घरात एल अक्षर नावाचा बोगदा सापडला. ज्यामधून साप सोडले जात होते. या लोकांना वाटते की, मी यामुळे मरुन जावे, तेव्हा सर्वच रहस्य गाडले जातील. देशाने मला आणि माझ्या कुटुंबाला वाचवावे.

बातम्या आणखी आहेत...