आपल्या शहरातील ताज्या बातम्या आणि ई-पेपर मिळवा मोफत

डाउनलोड करा
  • Marathi News
  • National
  • Police Asked Why Was It Cut? So Said Told Me How To Settle The Body | Jaipur Murder Case, Nephew Killed Woman Rajasthan  

'ताई'चे तुकडे करून पुतण्या हरिद्वारला:पोलिसांनी विचारले- का कापले; तो म्हणाला- तुम्हीच सांगा मृतदेहाची विल्हेवाट कशी लावणार?

जयपूर2 महिन्यांपूर्वी
  • कॉपी लिंक

जयपूरमध्ये दिल्लीतील श्रद्धा हत्याकांडासारखीच एक घटना शनिवारी समोर आली होती. यात 65 वर्षीय चुलतीला (ताई) तिच्या पुतण्याने हातोड्याने डोके फोडून हत्या केली. त्यानंतर ग्राईंडर कटरने तिच्या मृतदेहाचे आठ तुकडे करून दिल्ली महामार्गावरील जंगलात फेकून दिले.

याप्रकरणी 32 वर्षीय अनुज शर्माला पोलिसांनी अटक केली आहे. परंतू अनुजच्या कुटुंबीयांना अजूनही विश्वास बसत नाही की, हा खून अनुजने केला असेल. कारण, तो गेल्या वर्षभरापासून हरे कृष्ण चळवळीशी पूर्णवेळ कार्यकर्ता म्हणून जोडला गेलेला होता.

पोलिस चौकशीत धक्कादायक खुलासा समोर आला आहे. अनुजने पोलिसांना सांगितले की, चुलतीच्या हत्येनंतर तो हरिद्वारला गेला. तिथे गंगेत स्नान केले आणि नंतर कीर्तनात सहभागी झाला. पोलिसांनी अनुजला मृतदेहाचे तुकडे का केले असा प्रश्न विचारलातर तो म्हणाला की, तुम्हीच सांगा बरं मी मृतदेहाची विल्हेवाट कशी लावली असती.

खून करण्याच्या एक दिवसांपूर्वी चुलतीला केमो देऊन आणले

खूनाच्या एक दिवसांआधी अनुज शर्माने आपल्या चुलतीला केमोथेरपी देऊन आणली होती. चुलती सरोज यांच्यावर महात्मा गांधी वैद्यकीय महाविद्यालयात कर्करोगावर उपचार सुरू होते. ती म्हणायची की, मी आता जास्तीत जास्त पाच-सहा वर्ष जगेन. डीसीपी (उत्तर) पॅरिस देशमुख यांनी सांगितले की, अनुज शर्माने बी.टेक. मध्ये शीक्षण पूर्ण केले होते. त्यानंतर एक वर्ष जयपूरमध्ये नोकरी केली. तर गेल्या एका वर्षांपासून तो हरे कृष्ण चळवळीशी पूर्ववेळ जोडलेला होता.

दिव्य मराठीने प्रश्न केला - म्हणाला मी अद्याप दोषी नाही

पोलिस कोठडीत असताना दिव्य मराठीच्या प्रतिनिधीने अनुजशी संवाद साधला. तेव्हा अनुज म्हणाला की, मी दोषी नाही. न्यायालय निर्णय देईल, मग मला आरोपी मानले जाईल. कोर्टात मी दोषी आढळल्यास माझा फोटो काढा. मी आता दोषी नाही, माझ्या वकिलांशी बोला, असे बोलून त्याने संवाद साधण्यास नकार दिला.

लोक भेटायला आले तेव्हा मृतदेह बाथरूममध्ये होता
खून केल्यानंतर अनुज 13 डिसेंबरला हरिद्वारला गेला. हरिद्वार येथील पतंजली संस्थान गाठले. त्याठिकाणी पोटदुखीवर उपचार घेतले. गंगेत स्नान करून गंगाजल घेतले. गाझियाबादमध्ये एका धार्मिक संस्थेशी संबंधित एका भक्ताच्या घरी जाऊन गंगाजल अर्पण केले. एक दिवस मित्राच्या घरी राहून दिल्लीत संकीर्तन केले. त्यानंतर एक दिवस मावशीच्या घरी मुक्काम केला.

2 डिसेंबरपासून तो अध्यात्मिक समूहाशी संबंधित लोकांना देखील भेटायला गेला नाही. 11 डिसेंबरला दुपारी संस्थानशी संबंधित दोन अनुयायी अनुजच्या घरी आले. दोघेही जवळपास 40 मिनिटे घरी थांबले. त्यावेळी चुलती सरोज शर्मांचा मृतदेह बाथरूमध्ये ठेवलेला होता. आश्चर्य म्हणजे अनुजच्या देहबोलीत आणि संभाषणात कुठेही त्या लोकांना अस्वस्थता वाटत नव्हती.

अनुज सीसीटीव्हीत कैद झाला आहे. यामध्ये तो मृतदेहाचे तुकडे असलेली बॅग घेऊन जाताना दिसत आहे.
अनुज सीसीटीव्हीत कैद झाला आहे. यामध्ये तो मृतदेहाचे तुकडे असलेली बॅग घेऊन जाताना दिसत आहे.

हत्येनंतरही तो सामान्य, उघड होताच सर्वांना धक्काच
काकूच्या हत्येनंतरही मारेकरी अनुज नेहमीप्रमाणेच सामान्य राहिला. त्याच्या वर्तनात कुठलाही फरक दिसला नाही. यादरम्यान तो दोन-तीन जणांनाही भेटला. मित्र आणि सहकाऱ्यांना भेटूनही त्याच्या वर्तनात कोणताही बदल झालेला नव्हता. त्याच्या ओळखीच्या आणि मित्रांना त्याच्या नेहमीच्या पद्धतीने भेटल्यावर, त्याने आपल्या चुलतीचा खून केला असेल याचा अंदाज लावता येत नाही.

हत्येनंतर अनुज खूप रडला, पण बदनामी होवू नये म्हणून...
चौकशीत अनुजने सांगितले की, चुलतीला मारल्यानंतर तो तिच्या मृतदेहाशेजारी बसून खूप रडला होता. मात्र स्वत:ची काळजी घेताच कुटुंबाची बदनामी होण्याची भीती त्यांना सतावू लागली. त्याला भविष्याची आणि धार्मिक संस्थेची चिंता वाटू लागल्याने त्याने मृतदेहाची विल्हेवाट लावण्याची तयारी सुरू केली. आश्चर्याची गोष्ट म्हणजे आता त्याच्या चेहऱ्यावर आपण खून केल्याचे जरासेही दुःख दिसत नाही.

घरातून भांडणाचा आवाजही आला नाही
भास्कर टीमने अपार्टमेंटमध्ये राहणाऱ्या लोकांशी संवाद साधला. त्यांनी सांगितले की, अनुजचे कुटुंब गेल्या अनेक वर्षांपासून येथे राहत आहे. त्यांच्या घरातून भांडणाचा आवाजही ऐकू आला नाही. अनुजने आईची हत्या केल्यानंतर तिच्या मृतदेहाचे तुकडे केले, अशी कल्पनाही करू शकत नाही. अनुज जेव्हा कधी भेटायचा तेव्हा त्याच्या तोंडात देवाचे नाव आणि हातात हार असायचा.

अपार्टमेंटमध्ये राहणारा मोहन सांगतो की, मी येथे फार दिवस आलेलो नाही. मी भाड्याने राहतो, तर अनुजच्या वडिलांचा स्वतःचा फ्लॅट आहे. जेव्हा मी अनुजला पाहतो तेव्हा त्याच्या डोक्यावर वेणी असायची, हातात हार घालायचा आणि हरे कृष्ण-हरे रामचा जप करायचा.

बहिणीने रक्त साफ करताना पाहिले, तेव्हापासून संशय बळावला
हत्येनंतर दोन दिवसांनी म्हणजे 13 डिसेंबरला त्याला पुन्हा किचनच्या भिंतीवर रक्ताचे डाग दिसले. रक्ताचे डाग काढण्यासाठी त्याने पुन्हा एकदा स्वच्छता केली. तेथे उपस्थित चुलत बहिणीने त्याला पाहिले. तिथून त्याच्यावर संशय बळावला. त्यानंतर त्यांनी पोलिस ठाणे गाठून संपूर्ण माहिती दिली. त्यानंतर चौकशी केली. खून करून मृतदेहाची विल्हेवाट लावल्याची कबुली अनुजने पोलिसांसमोर दिली.

जयपूरच्या विद्याधर नगरच्या सेक्टर-2 मध्ये लालपुरिया अपार्टमेंट आहे. हे तीन मजली अपार्टमेंट आहे. अनुज शर्मा व त्यांचे कुटुंब तिसऱ्या मजल्यावर राहते. याच अपार्टमेंटमध्ये अनुजने चुलती सरोज शर्माची हत्या केली.
जयपूरच्या विद्याधर नगरच्या सेक्टर-2 मध्ये लालपुरिया अपार्टमेंट आहे. हे तीन मजली अपार्टमेंट आहे. अनुज शर्मा व त्यांचे कुटुंब तिसऱ्या मजल्यावर राहते. याच अपार्टमेंटमध्ये अनुजने चुलती सरोज शर्माची हत्या केली.

हे संपूर्ण प्रकरण आहे....
जयपूरमध्ये चुलतीची हत्या करणाऱ्या अनुज शर्मा उर्फ ​​अचिंत्य गोविंद दास (32) याने धक्कादायक खुलासा केला आहे. तो म्हणाला की, दिल्लीतील श्रद्धा हत्याकांडातून मृतदेहाची विल्हेवाट कशी लावायची हे त्याला समजले. मृतदेह बाथरूमध्ये ठेवून संगमरवरी कटरने तिचे 8 तुकडे केले. त्यानंतर ते एका पिशवीत भरून दिल्लीच्या रस्त्यावर नेले. मृतदेहाचे तुकडे तीन वेगवेगळ्या ठिकाणी मातीत गाडण्यात आले. आरोपींच्या सांगण्यावरून पोलिसांनी मृतदेहाचे तुकडे, संगमरवरी कटर, बादली, चाकू, कार आणि इतर वस्तू जप्त केल्या आहेत.

बातम्या आणखी आहेत...