आपल्या शहरातील ताज्या बातम्या आणि ई-पेपर मिळवा मोफत

डाउनलोड करा
  • Marathi News
  • National
  • Jammu Kashmir Target Killing Police Officer Shot Dead By Terrorists In Pulwama | Marathi News

काश्मीरमध्ये पोलिस अधिकाऱ्याची हत्या:उपनिरीक्षकाचा गोळ्यांनी चाळणी केलेला मृतदेह सापडला; शेतात दहशतवाद्यांनी केले लक्ष्य

श्रीनगर16 दिवसांपूर्वी
  • कॉपी लिंक

दक्षिण काश्मीरमधील पुलवामा जिल्ह्यातील पंपोर भागात एका पोलिस उपनिरीक्षकाचा गोळ्यांनी चाळणी केलेला मृतदेह रहस्यमय परिस्थितीत आढळला आहे. घटनास्थळावरून दोन पिस्तुल काडतुसेही जप्त करण्यात आली आहेत. या घटनेनंतर सुरक्षा दलांनी संपूर्ण परिसरात शोध मोहीम सुरू केली आहे.

फारुख अहमद मीर (50) असे उपनिरीक्षकाचे नाव आहे. ते पंपोरा येथील लेथपेरा येथे 23 बटालियन IRP मध्ये तैनात होते. त्यांच्या कुटुंबात वडील, पत्नी आणि तीन मुले आहेत. यामध्ये दोन मुली आणि एका मुलाचा समावेश आहे.

प्राथमिक तपासातून समोर आले आहे की, शुक्रवारी संध्याकाळी फारुख अहमद मीर हे सांबुरा येथील आपल्या घरातून शेताकडे गेले होते, तेथे दहशतवाद्यांनी त्यांना लक्ष्य करून त्यांची हत्या केली. या हत्येमागे कोणत्या संघटनेचा हात आहे, हे अद्याप समजू शकलेले नाही.

उपनिरीक्षक फारुख अहमद मीर (फाइल फोटो)
उपनिरीक्षक फारुख अहमद मीर (फाइल फोटो)

जम्मू-काश्मीरमध्ये टार्गेट किलिंग सुरूच
जम्मू-काश्मीरमध्ये गेल्या अनेक महिन्यांपासून टार्गेट किलिंग सुरू आहे. दहशतवादी नागरिकांसोबतच पोलिस कर्मचाऱ्यांनाही लक्ष्य करत आहेत. मात्र, लष्करही दहशतवाद्यांविरोधात वेगवेगळे ऑपरेशन राबवत आहे. काही दिवसांपूर्वी कुलगाममध्ये सुरक्षा दलांनी दोन दहशतवाद्यांचा खात्मा केला होता. दोघेही लष्कर-ए-तैयबा या दहशतवादी संघटनेशी संबंधित होते. विशेष बाब म्हणजे ठार झालेल्या दहशतवाद्यांपैकी एकाचा कुलगाममध्ये शिक्षिका रजनी बाला यांच्या हत्येत हात होता.

जिल्हा पोलीस लाईन्स येथे पोलीस उपनिरीक्षकांना पुष्पांजली समारंभाचे आयोजन करण्यात आले होते. त्यात डीआयजी दक्षिण काश्मीर, एसएसपी पुलवामा आणि कुटुंबीय उपस्थित होते.
जिल्हा पोलीस लाईन्स येथे पोलीस उपनिरीक्षकांना पुष्पांजली समारंभाचे आयोजन करण्यात आले होते. त्यात डीआयजी दक्षिण काश्मीर, एसएसपी पुलवामा आणि कुटुंबीय उपस्थित होते.

या वर्षात आतापर्यंत 99 दहशतवादी मारले गेले आहेत
मिळालेल्या माहितीनुसार, या वर्षात आतापर्यंत 99 दहशतवाद्यांना सुरक्षा दलांनी ठार केले आहे. अलीकडेच, अनंतनाग जिल्ह्यातील हंगलगुंड भागात सुरक्षा दलांनी केलेल्या चकमकीत हिजबुल मुजाहिद्दीनचे दोन दहशतवादी मारले गेले. जुनैद आणि बासित भट अशी ठार झालेल्या दहशतवाद्यांची नावे आहेत. गेल्या वर्षी अनंतनागमध्ये भाजपचे सरपंच रसूल दार आणि त्याची पत्नी यांच्या हत्येत बासितचा हात होता. त्याचवेळी, शोपियामध्ये झालेल्या चकमकीत जवानांनी दोन दहशतवाद्यांचा खात्मा केला होता.

बातम्या आणखी आहेत...