आर्मीच्या 3 जवानांवर रेपचा FIR, दोघांना अटक:महिलांचा आरोप- झाशी स्थानकावर उभ्या ट्रेनच्या डब्यात दुष्कृत्य; एक जवान फरार

झाशीच्या वीरांगना लक्ष्मीबाई रेल्वे स्टेशनवर रविवारी संध्याकाळी लष्कराच्या जवानांवर दोन महिलांनी बलात्काराचा आरोप केला आहे. या दोन्ही महिला नातेवाइकांना भेटण्यासाठी स्टेशनवर आल्या होत्या. आरोपांनुसार, एका जवानाने त्यांना बोलण्यासाठी मोबाईल मागितला होता. त्यानंतर बहाण्याने त्यांना स्टेशनच्या आत प्लॅटफॉर्म क्रमांक-7 वर उभ्या असलेल्या डब्याजवळ नेले. डब्यात आधीच दोन जवान होते. तीनपैकी दोघांनी त्यांच्यावर अत्याचार केले. त्यानंतर मोबाइल फोन हिसकावून त्यांना पिटाळून लावले.

जीआरपी सीओ मोहम्मद नईम मन्सूरी यांनी सांगितले की, दोन जवानांना अटक करण्यात आली आहे. तर तिसरा आरोपी फरार आहे. या तिघांविरुद्ध जीआरपी पोलिस ठाण्यात बलात्काराचा गुन्हा दाखल करण्यात आला आहे. दोन जवान बिहारचे आणि एक उत्तराखंडचा असल्याचे सांगण्यात येत आहे.

महिलांना सांगितले - आमचा फोन हरवला

पीडित महिला म्हणाली, “आम्ही दोघी मैत्रिणी आहोत. एका नातेवाइकाला भेटण्यासाठी स्टेशनवर जात होते. स्टेशनबाहेर एक जवान आढळला. आमचा मोबाइल हरवला आहे, असे तो सांगू लागला. कॉल करण्यासाठी आम्हाला मोबाईल मागू लागला. माणुसकी म्हणून आम्ही त्याला बोलण्यासाठी मोबाइल दिला. बोलत बोलत तो स्टेशनच्या आत गेला. तो म्हणत होता की पाहुया मोबाइल सापडतो का...

आम्ही दोघीही त्याच्या मागे प्लॅटफॉर्म क्रमांक 7 वर गेलो. तिथे एक ट्रेन उभी होती. त्याने आम्हा दोघींना डब्यात नेले. तेथे दोन जवान आधीच उपस्थित होते. ते कोचच्या आत मीट-चिकन बनवत होते. दारू पीत होते तेव्हा कळले की ते लष्कराचे आहेत. लष्कराच्या दोन जवानांनी आमच्यावर बलात्कार केला.

मोबाइल हिसकावून खाली उतरवले, धमकीही दिली

महिला पुढे म्हणाल्या, “एका आर्मी जवानालाही रेप करायचा होता. आमच्या आरडाओरडीवर त्याने धमकी दिली की, आम्ही आर्मीचे आहोत, तू काहीच करू शकणार नाहीस. आम्हा दोघींना कोचमधून खाली उतरवले आणि मोबाइल हिसकावून घेतला. यानंतर आम्ही एका तरुणाला मोबाइल मागितला आणि 112 वर कॉल करून पोलिसांना माहिती दिली. पोलिसांनी दोन जवानांना अटक केली, एक जण पळून गेला."

आर्मी ऑफिसर पोहोचले पोलीस ठाण्यात, सीओ महिलांशी बोलले

रेल्वेच्या डब्यात दोन महिलांवर बलात्कार झाल्याची माहिती मिळाल्यानंतर दोन्ही महिलांना जीआरपीमध्ये आणण्यात आले. जीआरपी सीओ मोहम्मद नईम मन्सुरी यांनी पोलिस स्टेशन गाठले आणि पीडित महिलांशी चर्चा केली. त्यानंतर लष्कराच्या अधिकाऱ्यांना या प्रकरणाची माहिती देण्यात आली. लष्कराच्या अधिकाऱ्यांनीही घटनास्थळी पोहोचून या प्रकरणाची माहिती घेतली.

स्टेशनवर लष्कराचे जवान होते ड्यूटीवर

दोन दिवसांपूर्वी एक ट्रेन झाशीला आल्याचे सांगण्यात येत आहे. लष्कराचे महत्त्वाचे सामान आल्यानंतर मालगाडी 7 दिवसांनी रवाना होणार आहे. सामान महत्त्वाचा असल्याने मालगाडीच्या सुरक्षेसाठी लष्कराच्या जवानांची ड्यूटी तैनात करण्यात आली होती. मालगाडीत एक डबा होता. त्यात सैनिक राहायचे आणि त्यात ते स्वयंपाक करायचे. या डब्यातच रेप करण्यात आला.

सीओ मोहम्मद नईम मन्सुरी यांनी सांगितले की, बिहारमधील सिवान येथील रहिवासी संदीप तिवारी आणि डेहराडून येथील रहिवासी सुरेश रावत यांना अटक करण्यात आली आहे. संदीप चेन्नईत, तर सुरेश दिल्लीत तैनात आहेत. दोन्ही पीडित महिलांची वैद्यकीय तपासणी करण्यात आली आहे. या प्रकरणातील आरोपी रवींद्र हा फरार असून त्याला पकडण्यासाठी एक पथक रवाना करण्यात आले आहे.