पाकिस्तानची 34 वर्ष जुन्या कटाची पुनरावृत्ती:काश्मीरमध्ये ISIचे ऑपरेशन रेड वेव्ह, 1988 प्रमाणे दहशत पसरवण्याचा उद्देश

जम्मू-काश्मीरमध्ये सातत्याने होत असलेल्या टार्गेट किलिंगच्या प्रकरणात पाकिस्तानी गुप्तचर संस्था ISIचा कट उघड झाला आहे. भारतीय सुरक्षा एजन्सीला पाकिस्तानच्या नापाक कारस्थानाचे पुरावेही मिळाले आहेत. 1988 प्रमाणे यावेळीही पाकिस्तानात खोऱ्याला हादरवण्याची योजना आखण्यात आली आहे. ही योजना सप्टेंबर 2021 मध्ये बनवण्यात आली होती, ज्याला ऑपरेशन रेड वेव्ह असे नाव देण्यात आले आहे.

मीडिया रिपोर्ट्सनुसार, सप्टेंबरमध्ये आयएसआय अधिकारी आणि दहशतवादी संघटनांच्या नेत्यांमध्ये मुझफ्फराबाद, पीओकेमध्ये बैठक झाली होती. ज्यामध्ये खोऱ्यातील 200 लोकांना ठार मारण्याची योजना आखण्यात आली होती. ऑपरेशन रेड वेव्ह 1988 च्या ऑपरेशन टुपॅकच्या धर्तीवर चालवण्याची योजना आहे.

ऑपरेशन टुपॅक काय होते?
1988 मध्ये इंडियन मुजाहिदीनसह 6 दहशतवादी संघटनांनी आयएसआयच्या सहकार्याने काश्मीरमध्ये ऑपरेशन टुपॅक सुरू केले, जे 1990 पर्यंत चालले. नापाक इशाऱ्यांवर सुरू झालेल्या या कारवाईत 300 हून अधिक काश्मिरी पंडित मारले गेले. पाकिस्तानचे तत्कालीन राष्ट्राध्यक्ष झिया उल हक यांच्या आदेशानुसार ही कारवाई करण्यात आली होती.

ISI हेच खरे मूळ : एसपी वैद्य
दिव्य मराठी यांच्याशी झालेल्या संवादात जम्मू-काश्मीरचे माजी डीजीपी एसपी वैद्य म्हणाले की, खोऱ्यात दहशत पसरवण्यामागे आयएसआयचा हात आहे. 1988 मधील ऑपरेशन टुपॅक असो किंवा आता काश्मीरमधील हिंसाचार असो. प्रत्येक गोष्टीच्या मुळाशी पाकिस्तानी गुप्तचर संस्था आहे.

खोऱ्यात 22 दिवसांत 9 जणांचा बळी गेला
या वर्षी काश्मीरमध्ये झालेल्या दहशतवादी हल्ल्यांमध्ये २० नागरिकांचा मृत्यू झाला आहे. यापैकी गेल्या 22 दिवसांत 9 हत्या झाल्या, ज्यामध्ये 5 हिंदू आणि 3 सुरक्षा दलांचे होते. हे जवान रजेवर घरी आले होते. गुरुवारी काश्मीर फ्रीडम फायटर (KFF) या स्थानिक दहशतवादी संघटनेने सर्वांचा शेवट सारखाच होईल, अशी धमकी देणारे पत्र जारी केले होते.