आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

KCRचा भाजपवर आमदारांची खरेदी करण्याचा आरोप:म्हणाले - माझ्याकडे हिडन कॅमेऱ्याचे फुटेज, सुप्रीम कोर्टाला पाठवणार

हैदराबादएका महिन्यापूर्वी
  • कॉपी लिंक

तेलंगणाचे मुख्यमंत्री केसीआर यांनी शुक्रवारी भाजपवर आमदारांची खरेदी करण्याचा आरोप केला. त्यांनी येथे आयोजित एका पत्रकार परिषदेत यासंबंधीचा एक व्हिडिओ जारी केला. या व्हिडिओचा दाखला देत त्यांनी भाजपवर दिल्लीच्या दलालांनी टीआरएसच्या 4 आमदारांना लाच देण्याचा प्रयत्न केल्याचा आरोप केला. यासंबंधी माझ्याकडे हिडन कॅमेऱ्याचे 1 तासाहून अधिकचे फुटेज आहे.

सुप्रीम कोर्टाचे न्यायाधीश व विरोधी नेत्यांना व्हिडिओ पाठवणार

KCR म्हणाले की, मी न्यायपालिकेला देश वाचवण्याची विनंती करेल. मी सुप्रीम कोर्टाचे न्यायाधीश व विरोधी पक्षनेत्यांना हा व्हिडिओ पाठवेल. भाजप तेलंगणा, आंध्र प्रदेश, दिल्ली व राजस्थानातील सरकार पाडण्याचा प्रयत्न करत असल्याचा दावाही त्यांनी यावेळी केला.

दुसरीकडे, भाजपने केसीआर यांचे हे सर्वच आरोप धूडकावून लावलेत. या आरोपांची पटकथा केसीआर यांनी लिहिली असून, तेच त्याचे दिग्दर्शन करत आहेत, असे भाजपने म्हटले आहे.

KCR म्हणाले की, आमचे सरकार पाडण्यासाठी भाजप आमच्या 20-30 आमदारांना खरेदी करण्याचा प्रयत्न करत आहे. पण आमच्या आमदारांनी त्यांचा प्रस्ताव फेटाळला. उलट त्यांनी या ऑपरेशन लोट्सची माहिती पोलिसांना दिली.

KCR म्हणाले की, आमचे सरकार पाडण्यासाठी भाजप आमच्या 20 ते 30 आमदारांना खरेदी करण्याचा प्रयत्न करत आहे.
KCR म्हणाले की, आमचे सरकार पाडण्यासाठी भाजप आमच्या 20 ते 30 आमदारांना खरेदी करण्याचा प्रयत्न करत आहे.

PM हून मोठे कोणतेही पद नाही, सरकारे का पाडत आहात

KCR पुढे म्हणाले - या लोकांना तेलंगणावर ताबा हवा आहे. मी शेतकऱ्यांना सावधपणे मतदान करण्याचे आवाहन करेल. अशा राजकारणामुळेच आम्ही लाच घेण्याच्या भानगडीत पडत नाही. मी भाजपच्या लोकांना विचारतो की, असे क्रौर्य का? तुम्हाला आणखी किती सत्ता हवी आहे. तुमची यापूर्वीच दोनदा निवड झाली आहे. त्यानंतरही तुम्ही सरकार पाडण्याचा प्रयत्न का करत आहात?

बातम्या आणखी आहेत...