गर्भवती महिला आणि पतीचा कारमध्ये जळून मृत्यू:प्रसूती वेदना सुरु झाल्याने कुटुंबीय महिलेला घेऊन जात होते रुग्णालयात

केरळमध्ये चालत्या कारला आग लागल्याने गर्भवती महिला आणि तिच्या पतीचा जळून मृत्यू झाला, तर कारमधील इतर चार जण सुरक्षित बचावले. ही घटना गुरुवारी कन्नूर जिल्ह्यात घडली. महिलेला प्रसूती वेदना होत असल्याने कुटुंबीय तिला रुग्णालयात घेऊन जात होते. वाटेत अचानक कारने पेट घेतला.

कार जळत असल्याचे पाहून आजूबाजूच्या लोकांनी अग्निशमन दलाला पाचारण केले. अग्निशमन दलाच्या जवानांनी आग आटोक्यात आणली, मात्र चालक आणि पुढच्या सीटवर बसलेल्या पती-पत्नीला वाचवण्यात यश आले नाही.

26 वर्षीय रीशा आणि तिचा पती प्रजित (35) अशी मृतांची नावे आहेत, ते कुट्टीअत्तूर येथील रहिवासी आहेत. त्याचवेळी कारमधून सुखरूप बाहेर पडलेले एका मुलासह चार जणांना रुग्णालयात दाखल करण्यात आले आहे.

आगीचे कारण शोधण्यासाठी जखमींची चौकशी होणार
कन्नूर शहर पोलिस आयुक्त अजित कुमार म्हणाले की, कारमधील इतर प्रवाशांना मोठी दुखापत झाली नाही. या प्रकरणाची चौकशी करून आगीचे कारण शोधण्यासाठी त्यांची चौकशी करण्यात येणार आहे. मात्र, आगीत कार पूर्णपणे जळून खाक झाल्याचे प्रत्यक्षदर्शींनी सांगितले. आम्ही त्यांना वाचवण्यासाठी फार काही करू शकलो नाही, कारण असे वाटत होते की कारच्या पेट्रोल टाकीचा कोणत्याही क्षणी स्फोट होऊ शकतो.

इकडे कुटुंबातील 14 जणांचा मृत्यू, तिकडे 7 फेरे

झारखंडच्या धनबाद अग्निकांडात आतापर्यंत 14 जणांचा बळी गेला आहे. हे सर्वजण एकाच कुटुंबातील होते. आशीर्वाद ट्विन टॉवरमधील ज्या घरात ही आग लागली, त्यात घरात मुलीचे लग्न होते. घटनास्थळापासून अघ्या 500 मीटर अंतरावरील सिद्धी विनायक मॅरेज हॉलमध्ये स्वाती नामक या मुलीच्या लग्नाचे विधी सुरू होते. सविस्तर वाचा...