हत्या:मेडिकल चेकअपसाठी आलेल्या आरोपीने केली डॉक्टरची हत्या, पायाची जखम पाहत असताना कात्रीने केले 6 वार

केरळमधील कोल्लममध्ये उपचारासाठी आणलेल्या आरोपीने डॉक्टरची हत्या केली. पायाला झालेल्या दुखापतीसाठी कोट्टरक्करा पोलिसांनी आरोपी संदीपला बुधवारी संध्याकाळी तालुक्याच्या रुग्णालयात नेले. तेव्हा त्याने रुग्णालयातील सर्जन डॉ. वंदना दास यांची टेबलावर पडलेल्या कात्रीने हत्या केली. त्याने त्यांच्यावर 6 वार केले, यात वंदना गंभीर जखमी झाल्या.

वंदना यांना तिरुअनंतपुरम येथील रुग्णालयात नेण्यात आले, मात्र त्यांचा जीव वाचू शकला नाही. दुसरीकडे, ही घटना उघडकीस आल्यानंतर केरळ उच्च न्यायालय बुधवारी दुपारी 1.45 वाजता विशेष बैठकीदरम्यान या प्रकरणावर सुनावणी करणार आहेत.

पोलिसांनी संदीपला हातकडीशिवाय आणले

मिळालेल्या माहितीनुसार, आरोपी संदीप हा उच्च प्राथमिक शिक्षक आहे. पोलिसांनी त्याला हातकडी न लावता वैद्यकीय तपासणीसाठी रुग्णालयात आणले. जेव्हा वंदना पायाला ड्रेसिंग करत होती. त्यानंतर जवळच पडलेल्या कात्रीने तिच्या पाठीवर व छातीवर वार केले. यामुळे ती गंभीर जखमी झाली. संदीपच्या हल्ल्यात 5 जण जखमी झाले आहेत.

संदीपचे शेजाऱ्यांशी भांडण झाले होते, त्यामुळे पोलिसांनी त्याला ताब्यात घेतले. मारामारीदरम्यान त्याला दुखापत झाली, त्यामुळे पोलिसांनी त्याला रुग्णालयात नेले. आरोपी संदीप हा पुयापल्ली येथील रहिवासी आहे.

राज्यात डॉक्टरांचा संप सुरू

वंदना यांच्या मृत्यूनंतर राज्यातील डॉक्टरांनी 24 तासांच्या संपाची घोषणा केली आहे. दुसरीकडे IMA संप पुढे ढकलण्याचा प्रयत्न करत आहे. त्यासाठी दुपारी एक वाजता कृती समितीची बैठक होणार आहे. ही घटना पहाटे 5 वाजता घडली असून सकाळी 8 वाजता डॉक्टरांनी संप जाहीर केला होता.