खेलो इंडिया:नाशिकची तनीषा एकेरीच्या अंतिम फेरीत, योगासनांत 12 पदके

नाशिकची टेबल टेनिसपटू तनीषा कोटेचा हिने खेलो इंडिया स्पर्धेत गुरुवारी एकेरीच्या अंतिम फेरीत प्रवेश केला. तिला दुहेरी मुकुटाची संधी आहे. तिने उपांत्य सामन्यात हरियाणाच्या प्रि‌थाेकीचा ४-० फरकाने पराभव केला. महाराष्ट्राने तिसऱ्या दिवसअखेर सर्वाधिक २१ पदके जिंकली आहेत. यात ८ सुवर्ण, ६ राैप्य व ७ कांस्यचा समावेश आहे. तनीषाने दुहेरी गटात रौप्यपदक जिंकले आहे.

याेगासनांत एकाच दिवशी डझनभर पदके : महाराष्ट्राने याेगासनांत एकाच दिवशी १२ पदके जिंकली आहेत. यात प्रत्येकी ४ सुवर्ण, राैप्य आणि कांस्यपदकांचा समावेश आहे.

ईशाला राैप्यपदक : महिलांच्या दहा मीटर रायफल प्रकारात ईशाने राैप्यपदकावर आपले नाव कोरले. तिने पदार्पणातच पदकाचा बहुमान पटकावला आहे.

स्वप्निलला कांस्य : पुरुषांच्या २५ मीटर पिस्तूल रॅपिड फायर प्रकारात स्वराज भाेंडवेने कांस्यपदक पटकावले. यासह ताे पहिल्याच प्रयत्नात पदक विजेता ठरला.