आपल्या शहरातील ताज्या बातम्या आणि ई-पेपर मिळवा मोफत

डाउनलोड करा
  • Marathi News
  • National
  • Lalu Prasad Yadav Interrogation CBI; Lalu Prasad Wife Rabri Devi | Former Chief Minister | Misa Bharti | Lalu Prasad Yadav

'जॉब फॉर लँड' प्रकरणी लालू यादवांची 2 फेऱ्यांत CBI चौकशी:दिल्लीत मुलगी मीसाच्या घरी प्रश्नोत्तरे, सोमवारी राबडींची झाली होती चौकशी

पाटणा23 दिवसांपूर्वी
  • कॉपी लिंक
हे छायाचित्र सिंगापूरचे आहे. लालूंना किडनी प्रत्यारोपणासाठी रुग्णालयात दाखल करण्यात आले होते. रोहिणी यांनीच त्यांना किडनी दिली होती.

रेल्वेत नोकरीच्या बदल्यात जमीन घेतल्याप्रकरणी सीबीआयने लालू यादव यांच्या चौकशीची दुसरी फेरी दिल्लीत सुरू केली आहे. सीबीआयच्या पथकाने लालूंची मुलगी मीसा भारती यांच्या घरी सकाळी तीन तास चौकशी केली. इकडे लालूंची मुलगी रोहिणी आचार्य म्हणाल्या की, वडील अडचणीत आले तर दिल्लीची खुर्ची दादरवून टाकू.

सिंगापूरमधून किडनी प्रत्यारोपणानंतर लालू दिल्लीतील मीसा भारती यांच्या निवासस्थानी राहत आहेत. एक दिवसापूर्वी माजी मुख्यमंत्री राबडी देवी यांची सीबीआयने त्यांच्या पाटणा येथील निवासस्थानी सुमारे साडेचार तास चौकशी केली होती. यावेळी त्यांना 48 प्रश्न विचारण्यात आले होते.

लँड फॉर जॉब घोटाळ्यात CBIच्या आरोपपत्रावर न्यायालयाने लालू, राबडीदेवी आणि मिसा यांना समन्स बजावले होते. लालू प्रसाद यांच्याशिवाय CBIने राबडी देवी आणि इतर 14 जणांची आरोपपत्रात आरोपी म्हणून नावं ठेवली आहेत. त्यांना 15 मार्च रोजी न्यायालयात हजर राहण्याचे आदेश देण्यात आले आहेत.

सीबीआयच्या चौकशीनंतर राबडी देवी सोमवारी विधानसभेत पोहोचल्या. हे दृश्य त्यावेळचे आहे.
सीबीआयच्या चौकशीनंतर राबडी देवी सोमवारी विधानसभेत पोहोचल्या. हे दृश्य त्यावेळचे आहे.

CBIने राबडी देवी यांना विचारलेले काही महत्त्वाचे प्रश्न

  • पाटण्यातील 8-9 लोकांकडून जमिनी घेऊन त्यांना नोकऱ्या दिल्या हा योगायोग आहे का?
  • या सर्व लोकांना लालू कुटुंब कसे ओळखते, हे बरोबर नाही का स्व. किशुनदेव राय यांनी 2008 मध्ये पाटणा येथील 3375 चौरस फूट जमीन तुमच्या नावावर 3.75 लाख रुपयांना विक्री कराराद्वारे हस्तांतरित केली. त्यांच्या कुटुंबातील 3 जणांना मुंबई सेंट्रलमध्ये नोकरी देण्यात आली.
  • हजारी राय यांनी फेब्रुवारी 2007 मध्ये ही जमीन दिल्लीतील एके इन्फोसिस्टम या कंपनीला 10 लाख 83 हजारांना विकली. हजारी राय यांचे दोन पुतणे जबलपूरमध्ये पश्चिम मध्य रेल्वेत नोकरीला होते. नंतर कंपनीच्या मालमत्तेचे सर्व हक्क तुमच्या व तुमच्या मुलीच्या नावे हस्तांतरित करण्यात आले. त्यानंतर 2014 मध्ये तुम्ही कंपनीचे बहुतांश शेअर्स विकत घेतले आणि संचालक झाल्या.
  • जेव्हा जेव्हा तुमच्या कुटुंबाने जमीन घेतली तेव्हा ती रोखीने खरेदी केली.
  • तुम्हाला माहीत आहे का की, विक्री डीड आणि गिफ्ट डीडद्वारे घेतलेल्या 7 जमिनींचा सर्कल रेट 4.39 कोटींपेक्षा जास्त आहे. लालूंचे ओएसडी भोला यादव कोणते काम पाहत होते?

काय आहेत CBIचे आरोप?

सभासदांच्या नावे जमीन व मालमत्ता हस्तांतरित करून घेतली. त्या बदल्यात मुंबई, जबलपूर, कोलकाता, जयपूर आणि हाजीपूर या रेल्वेच्या वेगवेगळ्या झोनमध्ये नोकऱ्या देण्यात आल्या. लालू कुटुंबाने ही मालमत्ता पाटण्यातील रहिवासी असलेल्या लोकांकडून घेतली किंवा ज्यांनी आपल्या नातेवाइकांची मालमत्ता विकून आपल्या नातेवाइकांच्या नावे भेट दिली.

आरजेडी नेते आणि कार्यकर्त्यांनी राबडी निवासस्थानाबाहेर सीबीआयविरोधात निदर्शने केली.
आरजेडी नेते आणि कार्यकर्त्यांनी राबडी निवासस्थानाबाहेर सीबीआयविरोधात निदर्शने केली.

राबडीदेवी CBIला म्हणाल्या- असे काहीही नाही

CBIने विचारले - किती लोकांकडून जमिनी घेतल्या आणि नोकऱ्या दिल्या. राबडीदेवी म्हणाल्या - तसे काही नाही. CBIने विचारले की, तुमच्या कुटुंबाने जेव्हा जमीन घेतली तेव्हा ती रोखीने खरेदी केली?

राबडी देवी आणि लालूंच्या चौकशीवर कोण काय म्हणाले?

  • उपमुख्यमंत्री तेजस्वी यादव म्हणाले की, मी सुरुवातीपासून म्हणत आलो आहे की, CBI, ED आणि ITने त्यांचे कार्यालय आमच्या घरात उघडावे. त्यांना हे सुविधाजनक असेल. प्रवासाचा खर्चही वाचेल. 2024च्या लोकसभा निवडणुकीपर्यंत भाजप विरोधकांवर छापे टाकत राहणार आहेत.
  • सुशील मोदी म्हणाले की, इकडे-तिकडे बोलण्याऐवजी तेजस्वी यादव आणि लालन सिंह जमीन मिळवलेल्या लालन चौधरींबद्दल का बोलत नाहीत? कोण आहे हे लालन चौधरी आणि त्यांची जमीन भेट म्हणून का घेतली.
  • काँग्रेसच्या सरचिटणीस प्रियांका गांधी वड्रा म्हणाल्या - भाजपसमोर न झुकणाऱ्या विरोधी पक्षांच्या नेत्यांचा CBIकडून छळ केला जात आहे. अरविंद केजरीवाल म्हणाले, विरोधकांच्या सरकारांना काम करू दिले जात नाही.

जमिनीच्या बदल्यात नोकरी घोटाळा : बिहारच्या माजी मुख्यमंत्र्यांची सीबीआय चौकशी, राबडींना साडेचार तासांत 48 प्रश्न

रेल्वेत चतुर्थ श्रेणीची नोकरी देण्याच्या बदल्यात जमीन घेतल्याप्रकरणी बिहारच्या माजी मुख्यमंत्री व राजद अध्यक्ष लालूप्रसाद यादव यांच्या पत्नी राबडीदेवी यांना सोमवारी सीबीआयने साडेचार तासांत ४८ प्रश्न विचारले. सीबीआयने गेल्या वर्षी ऑक्टोबरमध्ये १६ आरोपींविरुद्ध दोषारोपपत्र दाखल केले होते. तेव्हापासून या प्रकरणाची चौकशी सुरू आहे. ही झडती आहे की छापा, हे सांगण्यास सीबीआयने नकार दिला. दिल्लीच्या कोर्टाने लालू यादव, राबडी, मुलगी मिसा भारती यांना १५ मार्च रोजी हजर राहण्यास सांगितले आहे. येथे वाचा सविस्तर वृत्त

बातम्या आणखी आहेत...
    अ‍ॅप उघडा
    Our Divisions

    Copyright © 2022-23 DB Corp ltd., All Rights Reserved

    This website follows the DNPA Code of Ethics.

    फीडबॅक द्या