दिव्य मराठी अपडेट्स:चीनच्या शाळेत मास्क लावलेल्या संशयिताने चाकूने केला हल्ला, 3 ठार

आग्नेय चीनमधील शियानशी प्रांतातील लहान मुलांच्या शाळेत एका व्यक्तीने चाकूने हल्ला केला आहे. या हल्ल्यात ३ जणांचा मृत्यू झाला तर 6 जण जखमी झाल्याची माहिती आहे.

पोलीस अधिकाऱ्याने सांगितले की- मास्क आणि टोपी घातलेला 48 वर्षीय अज्ञात व्यक्ती बालवाडीत घुसला आणि हल्ला करू लागला. हल्ल्यात जखमी झालेल्यांना रुग्णालयात दाखल करण्यात आले आहे. पोलीस हल्लेखोराचा शोध घेत आहेत.

कर्नाटकात भीषण घटना; दोन वेगवेगळ्या ठिकाणी भूस्खलनामुळे 6 जणांचा मृत्यू

कर्नाटकातील कन्नड जिल्ह्यात दोन वेगवेगळ्या ठिकाणी भूस्खलनामुळे 6 जणांचा मृत्यू झाला असल्याची माहिती समोर येत आहे. पोलिसांनी दिलेल्या माहितीनुसार, कन्नड जिल्ह्यातील भटकळ तालुक्यात दरड कोसळून चार जणांचा मृत्यू झाला आहे. दुसरी घटना दक्षिण कन्नड जिल्ह्यातील सुब्रमण्य येथे घडली, जिथे दोन बहिणींचे मृतदेह एकमेकांचे हात धरलेले आढळले आहेत. डोंगराचा काही भाग घरावर पडल्याने दोन बहिणींचा मृत्यू झाला. सविस्तर वृत्त लवकरच...

नॅशनल हेराल्डच्या 16 ठिकाणी छापे

अंमलबजावणी संचालनालयाच्या (ईडी) पथकाने मंगळवारी सकाळी दिल्ली, मुंबई आणि कोलकाता यासह नॅशनल हेराल्डच्या 16 ठिकाणी छापे टाकले. सोनिया आणि राहुल यांची चौकशी केल्यानंतर ही कारवाई करण्यात आली. 14 तास चाललेल्या छाप्यानंतर ईडीच्या अधिकाऱ्यांनी रात्री उशिरा तपास संपवला.

महाराष्ट्रातील राजकीय संघर्षावर आज सुप्रीम कोर्टात सुनावणी, 4 याचिका

आज सर्वोच्च न्यायालयात सुनावणी होणार असून सत्तासंघर्षाची ही सुनावणी विस्तारित पीठाकडे की, घटनापीठाकडे जाणार? किंवा निवडणूक आयोगाच्या नोटिशीला सर्वोच्च न्यायालय स्थगिती देणार? या महत्त्वाच्या प्रश्नांची उत्तरे आजच्या सुनावणीत मिळणार आहेत. सरन्यायाधीश रमण्णा यांच्या अध्यक्षतेखाली त्रिसदस्यीय पीठ या प्रकरणाची सुनावणी करणार आहे. मागच्या सुनावणीत सर्वोच्च न्यायालयाने दोन्ही बाजूंना या प्रकरणात काय काय घटनात्मक मुद्दे आहेत याचा तपशील द्यायला सांगितला होता. दोन्ही बाजूंना 27 जुलैपर्यंत आपापले मुद्दे द्यायचे होते. त्यानुसार हे प्रकरण घटनात्मक पीठाकडे सोपवण्याची गरज आहे की नाही याचा विचार सर्वोच्च न्यायालय आज करणार आहे. येथे वाचा संपूर्ण बातमी

आंध्र प्रदेशातील अच्युतापुरम कारखान्यात गॅस गळती, अनेक महिला कामगार रुग्णालयात दाखल

आंध्र प्रदेशातील अच्युतापुरम येथील एका कारखान्यात गॅस गळती झाल्यामुळे काही महिला तेथे काम करत होत्या. त्याला उपचारासाठी रुग्णालयात दाखल करण्यात आले आहे. घटनास्थळी पोहोचलेल्या पोलिसांनी दिलेल्या माहितीनुसार, ही घटना सायंकाळी 7च्या दरम्यान घडली.

कारखान्यात उपस्थित असलेल्या इतर सर्वांना सुखरूप बाहेर काढण्यात आले आहे. सध्या या घटनेचे कारण समजू शकलेले नाही. पोलीस या प्रकरणाचा तपास करत आहेत

आजची मोठी बातमी...

दिल्लीतील करोल बाग येथील कुरिअर गोदामाला आग, अग्निशमन दलाच्या 9 गाड्या घटनास्थळी हजर

दिल्लीतील करोलबाग येथील कुरिअरच्या गोदामाला आग लागली. पोलिसांनी दिलेल्या माहितीनुसार, घटनास्थळी उपस्थित नऊ अग्निशमन दल आग विझवण्याचे प्रयत्न करत आहेत. सध्या कोणतीही जीवितहानी झाल्याचे वृत्त नाही.