आपल्या शहरातील ताज्या बातम्या आणि ई-पेपर मिळवा मोफत

डाउनलोड करा
  • Marathi News
  • International
  • Lt General Asim Munir Will Be Pakistans New Army Chief, Shehbaz Sharif, Imran Khan, Former ISI Chief

असीम मुनीर होणार पाकचे नवे लष्करप्रमुख:ISIचेही होते प्रमुख, भ्रष्टाचाराच्या खुलाशावरून इम्रान यांनी हटवले होते

10 दिवसांपूर्वी
  • कॉपी लिंक

लेफ्टनंट जनरल असीम मुनीर हे पाकिस्तानचे नवे लष्करप्रमुख असतील. ते आयएसआयचे प्रमुख राहिले आहेत. इम्रान खान यांना पंतप्रधानपदावरून हटवण्यात त्यांचा मोठा वाटा आहे.

असीम 2018-2019 मध्ये 8 महिने ISI प्रमुख होते. सत्तेत आल्यानंतर इम्रान खान यांनी त्यांचे जवळचे सहकारी फैज हमीद यांना आयएसआय प्रमुख बनवले आणि मुनीर यांची गुजरांवाला कॉर्प्स कमांडर म्हणून बदली केली.

असीम यांना 2018 मध्ये टू-स्टार जनरल पदावर बढती मिळाली होती, परंतु दोन महिन्यांनंतर ते या पदावर रुजू झाले. त्यांचा लेफ्टनंट जनरल म्हणून 4 वर्षांचा कार्यकाळ 27 नोव्हेंबर रोजी संपणार आहे.

जनरल मुनीर हे फ्रंटियर फोर्स रेजिमेंटचे सर्वात वरिष्ठ थ्री-स्टार जनरल आहेत. ते जनरल बाजवा यांच्या पसंतीचे आहेत. त्यांनी जनरल बाजवा यांच्या नेतृत्वाखाली ब्रिगेडियर म्हणून त्यांनी काम केले आहे.
जनरल मुनीर हे फ्रंटियर फोर्स रेजिमेंटचे सर्वात वरिष्ठ थ्री-स्टार जनरल आहेत. ते जनरल बाजवा यांच्या पसंतीचे आहेत. त्यांनी जनरल बाजवा यांच्या नेतृत्वाखाली ब्रिगेडियर म्हणून त्यांनी काम केले आहे.

असीम भारतविरोधी, संबंध सुधारण्याची आशा नाही

इकॉनॉमिक टाइम्सच्या रिपोर्टनुसार, मुनीर पाकिस्तानचे लष्करप्रमुख झाल्यानंतर भारतासोबतच्या संबंधांमध्ये कोणतेही महत्त्वाचे बदल होणार नाहीत. कारण 14 फेब्रुवारी 2019 रोजी झालेल्या पुलवामा हल्ल्यात मुनीर यांचा हात होता. ज्या पद्धतीने हल्ला झाला त्यावरून मुनीर यांची छापही दिसली. हा एक नियोजित हल्ला होता, जो नियोजन आणि प्रशिक्षणाद्वारेच शक्य होता.

जम्मू-काश्मीरमधील पुलवामा येथे झालेल्या दहशतवादी हल्ल्यात केंद्रीय राखीव पोलीस दलाचे (CRPF) 40 जवान शहीद झाले.
जम्मू-काश्मीरमधील पुलवामा येथे झालेल्या दहशतवादी हल्ल्यात केंद्रीय राखीव पोलीस दलाचे (CRPF) 40 जवान शहीद झाले.

शमशाद मिर्झा चेअरमन ऑफ जॉइंट चीफ्स

पाकिस्तानच्या मंत्री मरियम औरंगजेब यांनी ट्विट केले की, पंतप्रधान शाहबाज शरीफ यांनी सय्यद असीम मुनीर यांची नवीन लष्करप्रमुख म्हणून नियुक्ती केली आहे. याबाबत राष्ट्रपतींना माहिती देण्यात आली आहे. त्याचबरोबर लेफ्टनंट जनरल साहिर शमशाद मिर्झा यांची चेअरमन ऑफ जॉइंट चीफ्स पदावर नियुक्ती करण्यात आली आहे.

जनरल राहिल शरीफ यांच्या मिलिटरी ऑपरेशन्सच्या (DGMO) कार्यकाळात उत्तर वझिरीस्तानमध्ये तेहरिक-ए-तालिबानच्या विरोधात कारवाई करणाऱ्या कोअर टीममध्ये लेफ्टनंट जनरल साहिर यांचा सहभाग होता.
जनरल राहिल शरीफ यांच्या मिलिटरी ऑपरेशन्सच्या (DGMO) कार्यकाळात उत्तर वझिरीस्तानमध्ये तेहरिक-ए-तालिबानच्या विरोधात कारवाई करणाऱ्या कोअर टीममध्ये लेफ्टनंट जनरल साहिर यांचा सहभाग होता.

संघर्षासाठी इम्रान सज्ज

  • नव्या लष्करप्रमुखांवर दबाव आणण्यासाठी इम्रान यांनी 26 नोव्हेंबरला लष्कराच्याच शहरात रॅली काढण्याची घोषणा केली असल्याचे बोलले जात आहे. याशिवाय सार्वत्रिक निवडणुकांच्या तारखा लवकरात लवकर जाहीर कराव्यात, असा अल्टिमेटमही ते सरकारला देणार आहेत. सरकार आणि त्यांच्या समर्थकांनी (लष्कर) निवडणुकीच्या तारखा जाहीर केल्या नाहीत तर ते देश ठप्प करू, असे खान यांनी आधीच सांगितले आहे.
  • सरकार आणि सैन्य चिंतेत आहे, कारण सौदी क्राउन प्रिन्स मोहम्मद बिन सलमान (MBS) यांना गेल्या आठवड्यात पाकिस्तानमधील वाईट परिस्थितीमुळे त्यांचा दौरा रद्द करावा लागला होता. 2014 मध्ये चीनचे राष्ट्राध्यक्ष शी जिनपिंग यांना पाकिस्तान दौरा रद्द करावा लागला होता.
  • खान यांच्या पक्षाने बुधवारी दावा केला की, 26 नोव्हेंबर रोजी होणारी रॅली पाकिस्तानच्या इतिहासात यापूर्वी कधीही झाली नसेल. इम्रान यांच्या लाँग मार्चमध्ये आतापर्यंत एका महिला पत्रकारासह 3 जणांचा मृत्यू झाला आहे.

हेही वाचा...

PAK मीडियाचा दावा - बाजवा 6 वर्षांत अब्जाधीश झाले:पत्नीचे उत्पन्न वर्षातच दोन अब्ज झाले, निवृत्तीच्या 8 दिवस आधी खुलासा

पाकिस्तानी माध्यमांच्या एका रिपोर्टमध्ये दावा करण्यात आला आहे की, पाकिस्तानी सैन्यप्रमुख जनरल कमर जावेद बाजवांचे कुटुंब 6 वर्षांतच अब्जाधीश झाले आहे. बाजवांच्या निवृत्तीच्या 8 दिवस आधीच पाकिस्तानी पत्रकार अहमद नुरानींनी रविवारी 'फॅक्ट फोकस'साठी लिहिलेल्या रिपोर्टमध्ये हा दावा केला आहे. बाजवांचा कार्यकाळ 29 नोव्हेंबर रोजी संपुष्टात येत आहे. येथे वाचा सविस्तर बातमी

बातम्या आणखी आहेत...