आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

मनी लाँड्रिंग प्रकरण:अभिषेक बॅनर्जींची ED आज चौकशी करणार, टीएमसी खासदार म्हणाले- आरोप सिद्ध झाल्यास मी स्वतः फाशी घेईल

कोलकाता18 दिवसांपूर्वी
  • कॉपी लिंक

पश्चिम बंगालच्या मुख्यमंत्री ममता बॅनर्जी यांचे पुतणे आणि टीएमसीचे सरचिटणीस अभिषेक बॅनर्जी यांची मनी लाँड्रिंग प्रकरणी ईडी आज चौकशी करणार आहे. यापूर्वी त्यांनी केंद्रीय अन्वेषण यंत्रणा आणि भाजपवर निशाणा साधला. टीएमसी खासदार म्हणाले की, जर केंद्रीय तपास यंत्रणांकडे माझ्याविरोधात कोणतेही पुरावे असतील तर ते सार्वजनिक करा. TMC तुमच्यापुढे (भाजपा) कधीही झुकणार नाही. तुम्ही जे करू शकता ते करा. ते म्हणाले की, जर मी कोणाकडून दहा पैसेही घेतले असतील हे कोणी सिद्ध करू शकले तर मी स्वतः फाशी घेईल.

अभिषेक बॅनर्जी म्हणाले की, मी नोव्हेंबरमध्ये एका जाहीर सभेत सांगितले होते की मी कोणत्याही तपासाला सामोरे जाण्यास तयार आहे. हे प्रकरण कोलकाताशी संबंधित असले तरी त्यांनी मला दिल्लीला बोलावले आहे. ते (भाजप) निवडणूक हरले आणि आता बदला घेण्यासाठी एजन्सींचा वापर करत आहेत. त्यांनी आव्हान दिले आणि म्हणाले की, भाजपच्या कोणत्याही राष्ट्रीय नेत्याने थेट टेलिव्हिजन शोमध्ये माझा सामना करावा. त्यांनी वेळ आणि ठिकाण निवडावे. त्यांनी देशासाठी काय केले हे मी सिद्ध करेल.

ED आज अभिषेक बॅनर्जीची चौकशी करू शकते
अभिषेक बॅनर्जी आज दिल्लीत ईडीसमोर हजर होऊ शकतात. कोळसा तस्करीशी संबंधित मनी लाँडरिंगच्या प्रकरणात एजन्सी त्याची चौकशी करेल. अभिषेकची पत्नी रुजीरा बॅनर्जीलाही एजन्सीने बोलावले होते, परंतु तिने कोरोना महामारीचा हवाला देत तिच्या घरी चौकशीचे अपील केले. टीएमसी समर्थकांचे म्हणणे आहे की, अभिषेक यांच्यावर राजकीय सूडबुद्धीने कारवाई केली जात आहे.

TMC नेत्यांवर कोळसा घोटाळ्याचे आरोप
कोळसा घोटाळ्यात टीएमसी नेत्यांवर आरोप आहेत. त्यात अभिषेक बॅनर्जीच्या नावाचाही समावेश आहे. बंगालमध्ये अनेक हजार कोटी रुपयांचा कोळसा बेकायदेशीरपणे उत्खनन करण्यात आला आणि रॅकेटद्वारे काळ्या बाजारात विकल्याचा आरोप आहे. गेल्या वर्षी सप्टेंबरमध्ये कथित घोटाळ्याची चौकशी सुरू झाली.

बातम्या आणखी आहेत...