आपल्या शहरातील ताज्या बातम्या आणि ई-पेपर मिळवा मोफत

डाउनलोड करा
  • Marathi News
  • National
  • 'Mere Adarsh Nathuram Godse' Competition Organized In A School In Valsad, Now There Is A Ruckus On The Program

गोडसेला हिरो म्हणणाऱ्या मुलाला प्रथम पारितोषिक:गुजरातच्या शाळेत 'माझा आदर्श नथुराम गोडसे' या विषयावर स्पर्धा, जिल्हा क्रीडा अधिकाऱ्यांचे निलंबन

वलसाड6 महिन्यांपूर्वी
  • कॉपी लिंक

महात्मा गांधी यांचा मारेकरी नथुराम गोडसे याच्या संदर्भात राष्ट्रपिता राज्य असलेल्या गुजरातमध्ये वाद निर्माण झाला आहे. वलसाडमधील एका खासगी शाळेत आयोजित केलेल्या वादविवाद स्पर्धेत मुलांसाठी ठरविलेल्या तीन विषयांपैकी एक 'माझा आदर्श नथुराम गोडसे' होता. सोमवारी झालेल्या या स्पर्धेत प्रथम पारितोषिक पटकावणाऱ्या मुलाने या विषयावर बोलताना गांधींवर टीका करत गोडसे यांना आदर्श नायक असल्याचे सांगितले. त्यावरून खळबळ उडाली असून कारवाईची मागणी होत आहे.

यामध्ये 5वी ते 8वी पर्यंतच्या 7 ते 12 वयोगटातील मुलांसाठी हा विषय स्थानिक पातळीवरील शासकीय अधिकाऱ्यांनी निवडला असल्याची धक्कादायक माहितीही समोर आली आहे. या गोंधळानंतर आता वलसाडच्या जिल्हा क्रीडा अधिकारी मिताबेन गवळी यांना निलंबित करण्यात आले आहे. या प्रकरणाची चौकशी केल्यानंतर जबाबदार व्यक्तीवर कठोर कारवाई केली जाईल, असे राज्याचे गृहमंत्री हर्ष संघवी यांनी सांगितले.

खासगी शाळा संचालिका म्हणाल्या- स्पर्धेपूर्वी आम्हाला विषय सांगितले नव्हते

अर्चनाबेन देसाई, कुसुम विद्यालयाच्या संचालिका.
अर्चनाबेन देसाई, कुसुम विद्यालयाच्या संचालिका.

या वादावरुन भास्करने स्पर्धेचे ठिकाण असलेल्या कुसुम विद्यालयाच्या संचालिका अर्चनाबेन देसाई यांच्याशी संवाद साधला असता त्यांनी ही स्पर्धा जिल्ह्यात बाल प्रतिभा संशोधन उपक्रमांतर्गत आयोजित केल्याचे सांगितले. स्पर्धेचे संपूर्ण नियोजन शासकीय जिल्हा क्रीडा कार्यालयाने तयार केले होते. अशा परिस्थितीत आमच्या शाळेने केवळ स्पर्धेसाठी जागा दिली आणि वलसाडच्या जिल्हा क्रीडा कार्यालयाच्या आदेशाचे पालन केले, असे म्हणता येईल. स्पर्धा सुरू होण्यापूर्वी आम्हाला त्याचे विषय सांगण्यात आले नव्हते.

या तीन विषयांवर आयोजित करण्यात आली होती स्पर्धा

अर्चनाबेन पुढे म्हणाल्या की, स्पर्धेच्या अवघ्या 24 तास आधी शाळेला या स्पर्धेची माहिती देण्यात आली होती. यामध्ये 'माझा आदर्श नथुराम गोडसे' याशिवाय 'मला आकाशात उडणारे पक्षी आवडतात' आणि तिसरा 'मी शास्त्रज्ञ होऊनही अमेरिकेला जाऊ नये' असे तीन विषय ठेवण्यात आले होते. या तिन्ही विषयांवर मुलांनी मनोगत व्यक्त केले.

वलसाडचे जिल्हाधिकारी हात वर करतात, म्हणाले- क्रीडा विभागाचा मुद्दा
या वादावर दिव्य भास्करने वलसाडच्या जिल्हाधिकारी क्षिप्रा आग्रा यांच्याशी चर्चा केली असता त्यांनी या संपूर्ण प्रकरणावर हात वर केले. ते म्हणाले - हे प्रकरण क्रीडा विभागाच्या अखत्यारीत येत आहे, त्यामुळे केवळ क्रीडा विभागच याबाबत कारवाई करेल. ते माझ्या अधिकारक्षेत्रात येत नाही.

15 नोव्हेंबर 2021 रोजी जामनगरमध्ये गोडसेचा पुतळा बसवण्यावरून वाद झाला होता.
15 नोव्हेंबर 2021 रोजी जामनगरमध्ये गोडसेचा पुतळा बसवण्यावरून वाद झाला होता.

गेल्या वर्षी जामनगरमध्ये नथुराम गोडसेच्या पुतळ्यावरून झाला होता वाद
गेल्या वर्षी 15 नोव्हेंबरला जामनगरमध्ये नथुराम गोडसेचा पुतळा बसवण्यावरून बराच वाद झाला होता. जामनगर येथील हिंदू सेनेच्या वतीने हनुमान आश्रमात गोडसेच्या मूर्तीची प्रतिष्ठापना करण्यात आली. याची माहिती काँग्रेस नेत्यांना मिळताच शहराध्यक्ष व कार्यकर्त्यांनी तेथे पोहोचून पुतळ्याची तोडफोड केली. हिंदू सेनेने बांधलेल्या गोडसेंच्या पुतळ्याची काँग्रेस नेत्यांनी तोडफोड केल्यानंतर हिंदू सेनेने काँग्रेसचे शहराध्यक्ष आणि नगरसेवक धवल नंदा यांच्याविरोधातही तक्रार दाखल केली होती. यानंतर शहर काँग्रेस अध्यक्षांनीही हिंदू सेनेसह सहा जणांविरुद्ध पोलिसांत तक्रार दाखल केली.

बातम्या आणखी आहेत...