आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

हरनाज संधू बनली मिस युनिव्हर्स 2021:21 वर्षांनंतर इंडियन ब्युटीला मिळाला हा किताब, अंतिम फेरीत 79 देशांच्या सौंदर्यवतींना हरवले

एका महिन्यापूर्वी
  • कॉपी लिंक

भारताची हरनाज संधू मिस युनिव्हर्स बनली आहे. 21 वर्षांनंतर एका भारतीय सौंदर्यवतीला हा किताब मिळाला आहे. लारा दत्ता 2000 साली मिस युनिव्हर्स बनली होती. तेव्हापासून भारताला या विजेतेपदाची प्रतीक्षा होती. 70 वी मिस युनिव्हर्स स्पर्धा 12 डिसेंबर रोजी इस्रायलमध्ये झाली. यामध्ये हरनाजने 79 देशांच्या सौंदर्यवतींना मागे टाकत मिस युनिव्हर्सचा ताज पटकावला. मिस युनिव्हर्सची रनर अप मिस पॅराग्वे नादिया फरेरा आणि दुसरी रनर अप मिस दक्षिण आफ्रिका ललेला मसवाने होती. बॉलीवूड अभिनेत्री उर्वशी रौतेलाला मिस युनिव्हर्स स्पर्धेला जज करण्याची संधी मिळाली. ती भारतासाठी ज्युरी टीमचा भाग होती.

अलीकडेच चंदीगडच्या हरनाज संधूने 'मिस दिवा मिस युनिव्हर्स इंडिया 2021'चा खिताब जिंकला होता. तेव्हापासून तिने मिस युनिव्हर्स 2021 चा ताज जिंकण्यासाठी मेहनत करायला सुरुवात केली होती. जाणून घ्या, भारताची ग्लॅमर गर्ल हरनाजच्या काही खास गोष्टी..

पंजाबमधील चंदीगड येथील रहिवासी असलेली हरनाज संधू व्यवसायाने मॉडेल आहे. तिचे सुरुवातीचे शिक्षण शिवालिक पब्लिक स्कूल, चंदीगड येथून झाले. चंदीगडमधून ग्रॅज्युएशन केल्यानंतर ती सध्या मास्टर्स पूर्ण करत आहे. अवघ्या २१ वर्षांची हरनाझ मॉडेलिंग आणि अनेक स्पर्धांमध्ये भाग घेऊन आणि जिंकल्यानंतरही अभ्यासापासून दूर राहिली नाही.

2017 मध्ये पहिला स्टेज परफॉर्मन्स दिला होता
हरनाजचे संपूर्ण कुटुंब शेती किंवा ब्यूरोक्रेट्सशी संबंधित आहे. 2017 मध्ये, तिने कॉलेजमध्ये एका शो दरम्यान पहिला स्टेज परफॉर्मन्स दिला. त्यानंतर हा प्रवास सुरू झाला. तिला घोडेस्वारी, पोहणे, अभिनय, नृत्य आणि प्रवासाची खूप आवड आहे. जेव्हा ती मोकळी असते तेव्हा ती तिचे छंद पूर्ण करते. भविष्यात संधी मिळाली तर तिला चित्रपटातही काम करायचे आहे.

या चित्रपटांमध्ये दिसली आहे
हरनाज तिच्या अभ्यासासोबत आणि स्पर्धांच्या तयारीसोबतच अनेक चित्रपटांमध्येही दिसली आहे. तिने ‘यारा दियां पू बारां’ आणि '‘बाई जी कुट्टांगे’ सारख्या चित्रपटात काम केले आहे.

हे किताब जिंकले आहेत
2017 मध्ये टाइम्स फ्रेश फेस मिस चंदीगड, 2018 मध्ये मिस मॅक्स इमर्जिंग स्टार, 2019 मध्ये फेमिना मिस इंडिया पंजाब, 2021 मध्ये मिस युनिव्हर्स इंडिया

बातम्या आणखी आहेत...