आपल्या शहरातील ताज्या बातम्या आणि ई-पेपर मिळवा मोफत

डाउनलोड करा
  • Marathi News
  • National
  • Monkeypox 4 Cases In The Country | Patient Was Found In Delhi After Kerala | Marathi News

देशात मंकीपॉक्सचे 4 रुग्ण:केरळपाठोपाठ दिल्लीतही रुग्ण आढळला, पण त्याची इंटरनॅशनल ट्रॅव्हल हिस्ट्री नाही

6 महिन्यांपूर्वी
  • कॉपी लिंक

भारतात कोरोना व्हायरसनंतर आता मंकीपॉक्सचा धोका सुरू झाला आहे. केरळपाठोपाठ आता राजधानी दिल्लीत मंकीपॉक्सचा नवा रुग्ण आढळून आला आहे. केरळमध्ये आतापर्यंत 3 नवीन रुग्ण समोर आले आहेत. आरोग्य विभागाने तपास सुरू केला आहे. अहवालानुसार, दिल्लीत मंकीपॉक्सची लागण झालेल्या रुग्णाचा कोणताही परदेश प्रवासाचा इतिहास नाही.

आरोग्य विभागाने दिलेल्या माहितीनुसार, रुग्णाचे वय अंदाजे 31 वर्षे असून त्याला मौलाना आझाद मेडिकल कॉलेजमध्ये दाखल करण्यात आले आहे. सरकारने मंकीपॉक्सच्या चाचणीसाठी 16 प्रयोगशाळांना परवानगी दिली आहे, त्यापैकी 2 केरळमध्ये आहेत.

जगात मंकीपॉक्सचे सुमारे 17 हजार रुग्ण
Monkeypoxmeter.com च्या आकडेवारीनुसार, भारतासह 80 देशांमध्ये 16,886 रुग्णांची पुष्टी झाली आहे. यापैकी युरोपमध्ये सर्वाधिक 11,985 लोक मंकीपॉक्सने बाधित झाले आहेत. त्याच वेळी, या रोगाने प्रभावित शीर्ष 10 देशांमध्ये ब्रिटन, स्पेन, अमेरिका, जर्मनी, फ्रान्स, पोर्तुगाल, कॅनडा, नेदरलँड्स, इटली आणि बेल्जियम यांचा समावेश आहे. मंकीपॉक्सने यावर्षी तीन जणांचा बळी घेतला आहे.

WHO ने आरोग्य आणीबाणी घोषित केली
मंकीपॉक्समुळे WHO ने जागतिक आरोग्य आणीबाणी घोषित केली आहे. डब्ल्यूएचओने म्हटले आहे की, हा रोग रुग्णाच्या त्वचेच्या संपर्कातून पसरतो. याशिवाय संक्रमित व्यक्तीचे कपडे, भांडी आणि बिछान्याला स्पर्श केल्याने देखील मंकीपॉक्स पसरू शकतो.

अमेरिकेत प्रथमच मुलांमध्ये मंकीपॉक्स आढळला
अमेरिकेत प्रथमच दोन मुलांमध्ये हा संसर्ग आढळून आला आहे. सेंटर्स फॉर डिसीज कंट्रोल अँड प्रिव्हेन्शन (CDC) या आरोग्य संस्थेच्या म्हणण्यानुसार, एक मूल कॅलिफोर्नियाचे तर दुसरे मूल हे नवजात आहे आणि ते अमेरिकेचे रहिवासी नाही. दोन्ही मुलांची प्रकृती स्थिर असल्याचे आरोग्य अधिकाऱ्यांनी सांगितले. उपचारासाठी, त्याला अँटीव्हायरल औषध टेकोविरिमेट देण्यात आले आहे.

बातम्या आणखी आहेत...