आपल्या शहरातील ताज्या बातम्या आणि ई-पेपर मिळवा मोफत

होम
शोधा
ई-पेपर
डार्क मोड

Marathi News
National
More Than 350 Bombs Were Found In Bengal Inlast 24 Hours, Latest News And Update

बंगाल स्फोटकांच्या ढिगाऱ्यावर!:24 तासांत 9 जिल्ह्यांत 350 हून अधिक आढळले बॉम्ब, बिरभूम हिंसाचारानंतर पोलिसांची छापेमारी सुरू

3 महिन्यांपूर्वी

कॉपी लिंक

बिरभूम हिंसाचारानंतर पोलिसांनी मागील 24 तासांत पश्चिम बंगालच्या विविध जिल्ह्यांत छापेमारी करुन 350 हून अधिक क्रूड बॉम्ब जप्त केलेत. यातील सर्वाधिक 200 बॉम्ब बिरभूमच्या मारग्राम भागात आढळलेत. पोलिसांनी या प्रकरणी 11 संशयितांच्या मुसक्याही आवळल्यात.

हिंसाचार झालेल्या घटनास्थळपासून 40 किमीवर आढळळे 60 बॉम्ब

पोलिसांनी शनिवारी केलेल्या छापेमारीत 4 बादल्यांत लपवण्यात आलेले 200 बॉम्ब जप्त केलेत. मारग्राम हिंसाचार झालेल्या बागटुई गावापासून जवळपास 40 किमी अंतरावर आहे. पोलीस अधीक्षक नागेंद्र त्रिपाठी यांनी क्रूड बॉम्ब जप्त करण्यासाठी आपल्या अधिकार क्षेत्रात सातत्याने छापेमारी करण्यात येत असल्याचे स्पष्ट केले.

चला जाणून घेऊया गत 24 तासांत कुठे जप्त करण्यात आले बॉम्ब...

मारग्राम हिंसाचार झालेल्या बागटुई गावापासून अवघ्या 40 किमी अंतरावर आहे. त्यामुळे पोलिस आता हे बॉम्ब लपवण्याचा उद्देश शोधण्याचा प्रयत्न करत आहेत.
पश्चिम मेदिनीपूरच्या केशवपूर येथून पोलिसांनी 100 क्रूड बॉम्ब जप्त केलेत. पोलिस अधिकाऱ्यांनी ही एक नियमित प्रक्रिया असल्याचे म्हटले आहे.
मालदा जिल्ह्याच्या हरिश्चंद्र पोलिसि ठाणे क्षेत्रातील एका गावातूनही 4 बॉम्ब हस्तगत करण्यात आलेत. जिल्ह्याच्या कालियाचक भागातील एका घरात बॉम्बस्फोट झाला. त्यात 3 वर्षीय एका मुलाचा बळी गेला.
उत्तर 24 परगणा जिल्ह्याच्या जगदल ठाणे हद्दीत 8 बॉम्ब जप्त करण्यात आले. जिल्ह्याच्या श्यामनगर प्रभाती संघ मैदानातून 3 जणांना अवैध शस्त्रांसह अटक करण्यात आली आहे.
छापेमारीदरम्यान पूर्व बर्दवानच्या मेमारी व कृष्णपूर येथून 5 बॉम्ब जप्त करण्यात आले. यावेळी पोलिसांनी 2 जणांना अटक केली.
मुर्शिदाबादच्या जंगीपूर येथून पोलिसांना 2 बादल्यांत बॉम्ब आढळले. पोलिस या प्रकरणी या बॉम्बचे मूळ शोधण्याचा प्रयत्न करत आहेत.
उत्तर दिनाजपूरच्या रायगंज येथे पोलिसांना 4 पाईप बॉम्ब आढळलेत. पोलिसांनी या प्रकरणी 3 जणांना अटक केली असून, त्यांची चौकशी सुरू आहे.
कोलकाता लगतच्या हावडाच्या नावापल्लीतून 2 बॉम्ब जप्त करुन एका व्यक्तीला अटक करण्यात आली.
नदियाच्या कृष्णानगरातील छापेमारीत 14 क्रूड बॉम्ब जप्त करण्यात आले. पोलिसांनी या प्रकरणी बॉम्ब तयार करणाऱ्या तिघांना जेरबंद केले आहे.

ममतांनी टीकेमुळे दिले छापेमारीचे निर्देश

बिरभूम हिंसाचारानंतर बंगाल सरकारला चौफेर टिकेचा सामना करावा लागत आहे. त्यामुळे मुख्यमंत्री ममता बॅनर्जी यांनी पोलीस महासंचालक मनोज मालवीय यांना राज्यातील सर्वच अवैध बॉम्ब व शस्त्र जप्त करण्याचे आदेश दिले होते. त्यानुसार पोलिसांनी ही छापेमारी केली. एका वरिष्ठ अधिकाऱ्याने बॅरकपूर-बीजपूर मंडळातील पोलिस यंत्रणा सर्वाधिक सक्रिय झाल्याचे सांगितले आहे. हे अभियान 10 दिवस चालेल.

ममतांनी प्रभारी डीजीपी मनोज मालवीय यांना राज्यातील सर्वच अवैध शस्त्र सामग्री जप्त करण्याचे आदेश दिले होते.

राज्यपालांनीही सरकारला धरले धारेवर

पश्चिम बंगालचे राज्यपाल जगदिप धनखड यांनीही यापूर्वी अनेकदा राज्यात बॉम्ब तयार करण्याचा गोरखधंदा सुरू असल्याचा आरोप केला आहे. त्यांनी बिरभूम हिंसाचाराचा एक व्हिडिओ ट्विट करत बंगालमधील कायदा सुव्यवस्था संपुष्टात आल्याचीही टीका केली होती. ममतांनी त्यांच्या विधानावर तीव्र नाराजी व्यक्त केली होती.

राज्यपाल जगदिप धनखड नेहमीच बंगालमधील कायदा सुव्यवस्थेवर प्रश्नचिन्ह उपस्थित करत असतात.

130 रुपयांत मिळतो बॉम्ब
इंडिया टुडेने 2021 च्या आपल्या स्टिंग ऑपरेशनमध्ये बॉम्ब तयार करण्याच्या एका कारखान्याचा भांडाफोड केला होता. त्यात बंगालमध्ये अवघ्या 130 रुपयांना बॉम्ब मिळत असल्याचा दावा करण्यात आला होता.

बंगालमधील एका बॉम्ब हल्ल्यात राज्य सरकारचे मंत्री झाकिर हुसैन बालंबाल बचावले होते.

मंत्री-खासदारांवरही झालेत बॉम्ब हल्ले

बंगालमधील अनेक मंत्री व खासदार बॉम्ब हल्ल्यांतून बालंबाल बचावलेत. 2021 च्या निवडणूक प्रचारावेळी मुर्शिदाबादला गेलेले तत्कालीन मंत्री झाकिर हुसैन एका बॉम्ब हल्ल्यात गंभीर जखमी झाले होते. काही दिवसांपूर्वी कोलकात्याजवळ भाजप खासदार जगनाथ सरकार यांच्या कारवरही बॉम्ब फेकण्यात आला होता. तेही त्यातून बालंबाल बचावले होते.

बातम्या आणखी आहेत...

अ‍ॅप उघडा

Our Divisions

This website follows the DNPA Code of Ethics.

फीडबॅक द्या