आपल्या शहरातील ताज्या बातम्या आणि ई-पेपर मिळवा मोफत

डाउनलोड करा
  • Marathi News
  • National
  • Mother Fainted Due To Heart Attack, 7 Year Old Son Called 108 And Called Ambulance In 5 Minutes, Got Life Support

7 वर्षाच्या मुलाचे शहाणपण:हृदयविकाराच्या झटक्याने आई बेशुद्ध पडली, मुलाने 108 ला फोन करून 5 मिनिटात रुग्णवाहिका बोलावली अन् वाचवले आईचे प्राण

14 दिवसांपूर्वी
  • कॉपी लिंक

मुलांना आपत्कालीन सेवांची माहिती देणे किती फायदेशीर ठरू शकते, याचे उत्तम उदाहरण सुरतमध्ये पहायला मिळाले, जेव्हा एका 7 वर्षांच्या मुलाच्या आईला समजूतदारपणाने जीवनदान मिळाले. वास्तविक, आईला हृदयविकाराचा झटका आला आणि ती बेशुद्ध झाली. यावर मुलाने तात्काळ मोबाईलवरुन 108 वर फोन करून रुग्णवाहिकेला माहिती दिली. 5 मिनिटात रुग्णवाहिका आली आणि महिलेला सिव्हिल हॉस्पिटलमध्ये नेण्यात आले. त्यामुळे तात्काळ उपचार मिळाल्याने आईचे प्राण वाचले.

उशीर झाला तर महिलेच्या जीवाला धोका होता
जेव्हा आईला हृदयविकाराचा झटका आला तेव्हा 7 वर्षांच्या मुलाची सक्रियता पाहून डॉक्टर देखील आश्चर्यचकित झाले. इतक्या कमी वयात अशी माहिती मिळणे ही मोठी गोष्ट असल्याचे डॉक्टरांनी सांगितले. 1 तास उशीर झाला असता तर महिलेला जीव गमवावा लागला असता. मोबाईलची माहिती मुलांना कशी द्यायची, हे या मुलाकडून शिकता येईल. सध्या महिलेवर उपचार सुरू आहेत. त्यांची प्रकृती स्थिर आहे.

सिव्हिल हॉस्पिटलमध्ये त्याच्या आईची काळजी घेतोय राहुल.
सिव्हिल हॉस्पिटलमध्ये त्याच्या आईची काळजी घेतोय राहुल.

जेव्हा मला शुद्ध आली तेव्हा मी हॉस्पिटलमध्ये होते- मंजू पांडे
राहुलने सांगितले की, एकदा माझ्या बहिणीने सांगितले होते की, एखाद्याची तब्येत खराब असेल तर 108 नंबरवर कॉल केल्यास अॅम्ब्युलन्स येते.

40 वर्षीय मंजू पांडे ही मूळची अयोध्या, उत्तर प्रदेशची आहे. ती पती आणि मुलासोबत उधना येथील संजय नगर येथे राहते. बुधवारी दुपारी त्यांना उलट्या होऊ लागल्या आणि हातपाय थरथरू लागले. ती बेशुद्ध पडली. अशा स्थितीत 7 वर्षांचा मुलगा राहुल याने तातडीने 108 ला फोन करून रुग्णवाहिका बोलावली.

डॉक्टर म्हणाले- मुलांना असे शिकवा
सिव्हिलमधील ऑन ड्युटी मेडिकल ऑफिसर डॉ. प्रियंका यांनी सांगितले की, बाळ खूप हुशार आहे. सहसा अशी मुले मोबाईलवर गेम खेळतात किंवा कार्टून पाहतात. मोबाईलचा नीट वापर करणे, या मुलाकडून शिकता येऊ शकते. राहुलने तत्काळ रुग्णवाहिका बोलावून आईचे प्राण वाचवले.

बातम्या आणखी आहेत...