वडिलाचा मृतदेह घरात, मुलगा बारावीच्या परीक्षेला केंद्रात:पेपर सोडवून आल्यावर केले अंत्यसंस्कार; क्रूर नियतीनेही घेतली देवेंद्रची परीक्षा

नियतीच ती... परीक्षा घेणारच... मात्र, अशा परस्थितीवरही मात करता आली तर सर्वकाही जिंकल्यात जमा आहे. हेच धाडस मध्य प्रदेशमधील देवासमध्ये देवेंद्र सोळंकी याने दाखवले आहे. इयत्ता 12 वीमध्ये असलेल्या देवेंद्रचा हिंदी विषयाचा पेपर होता. पेपरचे मानसिक दडपण असतानाच त्यांच्या वडीलांचे हृदयविकाराच्या झटक्याने निधन झाले.

वडिलांचा मृतदेह दारात असताना परिक्षेला जावे तरी कसे? असा सवाल त्याच्या मनात घोळत होता. मात्र, पेपरच्या गैरहजरीने पूर्ण शैक्षणिक वर्ष वाया जाणार यामुळे देवेंद्रने मन घट्ट करुन वडिलांचा मृतदेह दारात असताना पेपर देण्याचा निर्णय घेतला. पेपर सुटल्यानंतर मग त्याने वडिलांवर अंत्यसंस्कार केले.

जिल्ह्यातील आवास नगर येथे राहणारे जगदीश सोळंकी यांना रात्री 12 वाजता हृदयविकाराचा झटका आला. ते महापालिकेत प्रभारी सहायक महसूल निरीक्षक होते. त्यांच्या पश्चात पत्नी व्यतिरिक्त चार मुली आणि एक मुलगा असा परिवार आहे. चारही मुली विवाहित आहेत, तर मुलगा देवेंद्र हा माउंट हायर सेकंडरी स्कूलचा विद्यार्थी आहे.

गणित विद्याशाखेतून बारावी करत असलेल्या देवेंद्रचा गुरुवारी हिंदी विषयाचा पेपर होता. तो रात्री अभ्यासात व्यस्त होता. रात्री 12 वाजता वडिलांच्या छातीत दुखू लागले. खोलीतून बाहेर आल्यावर जगदीशची प्रकृती चांगली नव्हती. काही वेळाने जगदीश यांच्या शरीराची हालचाल थांबली. त्यांनी त्याला रुग्णालयात नेले, मात्र डॉक्टरांनी त्याला मृत घोषित केले. एकिकडे वडिलांचा मृतदेह घरी ठेवला होता आणि दुसरीकडे देवेंद्रच्या पेपरची वेळ झाली होती. अशा दु:खाच्या काळात त्याने हृदयावर दगड ठेवून पेपर द्यायचे ठरवले.

कोणत्याही परिस्थितीत संकटाचा सामना करा

विद्यार्थी देवेंद्र म्हणाला की, पापा आता या जगात नाहीत. माझा सकाळी बारावीचा पेपर होता. मी चांगल्या नंबरांनी उत्तीर्ण व्हावे अशी बाबांची इच्छा होती. त्यांच्यासाठीच मी मनावर दगड ठेवून परीक्षा द्यायला गेलो होतो. मी आर्मी किंवा सिव्हिल सर्व्हिसेसमध्ये जावे, असे माझ्या वडिलांचे स्वप्न होते. पेपर चांगला गेला. मी माझ्या इतर सहकाऱ्यांना एवढेच सांगू इच्छितो की कितीही संकट आले तरी खंबीरपणे सामोरे जा. अभ्यासाला महत्त्व देणे खूप गरजेचे आहे.

देवेंद्रचा मित्र अमन पांचाळ याने सांगितले की, रात्री दोनच्या सुमारास देवेंद्रचा फोन आला आणि त्याने मला काकांची माहिती दिली. यानंतर आम्ही मित्रांनी त्याला सकाळी शाळेत नेले आणि त्याने पेपर दिला. पेपर संपल्यानंतर आम्ही थेट देवेंद्रचे घर गाठले आणि त्यानंतर अंत्यसंस्कार केले.

बीसीएम स्कूलचे केंद्र अध्यक्ष सुनील पटेल यांनी सांगितले की, देवेंद्र हा गणिताचा विद्यार्थी आहे. वडिलांच्या निधनानंतरही तो सकाळी परीक्षा देण्यासाठी आला होता. परीक्षा सुरू झाल्यानंतर दोन तासांनी उमेदवाराला परीक्षा केंद्राबाहेर जाऊ द्यावे, अशा सूचना माध्यमिक शिक्षण मंडळाच्या आहेत. त्यामुळे सकाळी 11 वाजता परीक्षा दिल्यानंतर आम्ही त्याला सोडले. माणुसकी म्हणून आम्ही हे काम केले. त्याने पेपर छान सोडवला. हे इतर मुलांसाठी एक उदाहरण आहे. काहीतरी घडल्याचे मुलाच्या चेहऱ्यावरून दिसत होते. पोलिस कर्मचाऱ्याने आम्हाला या अप्रिय घटनांबद्दल माहिती दिली. त्यानंतर आम्ही त्याला दोन तास आधी सोडण्याचा निर्णय घेतला.

दिव्य मराठी ग्राउंड रिपाेर्ट:मुलीचा शब्द कसा पाळू, बायकोचा दागिना कसा सोडवू?

नातीच्या लग्नासाठी जमवलेले ५० हजार रुपये पीक हाती आल्यावर त्यात तेवढीच भर घालून परत करू या बोलीवर मुलीकडून आणले होते, शिवाय बायकोचा दागिनाही गहाण ठेवत कांदा लागवडीसाठी कसेबसे भांडवल उभे केले. मात्र, कांदा विकून हाती ३० हजारही आले नाहीत. आता मुलीला दिलेला शब्द कसा पाळायचा आणि पुढच्या हंगामासाठी लागवड कशी करायची, याचे कोणतेही उत्तर नसल्याने आत्महत्येचे विचार मनात येत असल्याची व्यथा वेळापूरचे रतन भागवत यांनी ‘दिव्य मराठी’कडे व्यक्त केली. येथे वाचा संपुर्ण बातमी.