वर्ल्ड पासवर्ड डे:मंत्री तेमजेन यांची पोस्ट व्हायरल, गर्लफ्रेंडचे नाव तर पासवर्ड म्हणून ठेवले नाही ना, असेल तर बदला!

नागालँड भाजपचे प्रदेशाध्यक्ष आणि मंत्री तेमजेन इमना अलॉन्ग हे सोशल मीडियावर मनोरंजक पोस्ट शेअर करण्यासाठी ओळखले जातात. 4 मे म्हणजे आज जागतिक पासवर्ड दिवस. यावर त्यांनी पासवर्डशी संबंधित एक मीम ट्विट केले आहे, जे व्हायरल होत आहे.

त्यांनी ट्विट केले की, आज पासवर्ड डेच्या दिवशी तुम्ही तुमचा पासवर्ड 'GirlfriendName123@' असा ठेवला आहे का? जर तो गर्लफ्रेंडच्या नावावर ठेवला असेल तर आजच बदला. असे केल्याने तुमचा पासवर्ड सुरक्षित राहील.

भाजप नेते तेमजेन यांनी शेअर केला डान्सचा व्हिडिओ ​​​​​​

26 एप्रिल रोजी भाजप नेते तेमजेन यांनी त्यांच्या डान्सचा व्हिडिओ शेअर केला होता. पारंपरिक नृत्य सुरू असलेल्या कार्यक्रमात ते पोहोचले होते. दरम्यान, तेमजेनही नाचू लागले. व्हिडिओ ट्विट करताना त्यांनी लिहिले की, ही तेमजेनची शैली आहे, बाबूरावांची नाही. नागालँडमध्ये काही घडत नाही, पण खूप काही घडते... नागालॅंडमध्ये कधीतरी या. तेमजेन यांचा डान्स व्हिडिओ आणि त्याचे कॅप्शन लोकांना खूप आवडले.

तेमजेन यांचे मुलींसोबत छायाचित्र

तेमजेन यांनी ५ एप्रिल रोजी एक फोटो शेअर केला होता. त्याचे कॅप्शन लोकांना खूप आवडले. फोटोमध्ये तेमजेन पाच महिलांसोबत दिसत आहे. कॅप्शनमध्ये त्यांनी लिहिले की, आयुष्यात हसणे नेहमीच आवश्यक असते. जरी मी सख्त लौंडा असलो, तरी इथे मी विरघळलोय. त्यांच्या पोस्टला 28 हजारांहून अधिक लोकांनी लाइक केले होते.