आपल्या शहरातील ताज्या बातम्या आणि ई-पेपर मिळवा मोफत

डाउनलोड करा
  • Marathi News
  • National
  • Narendra Giri Suicide Note | Mysterious Death Of President Of The Akhil Bharatiya Akhara Parishad

मृत्यूवर संशय गळद्द:महंतांजवळ कुठून आली दोरी आणि सल्फास; त्यांना कधी लिहितानाही पाहिले नाही, मग 7 पानांची सुसाइड नोट कुठून आली?

प्रयागराजएका महिन्यापूर्वी
  • कॉपी लिंक
  • शिष्य सर्वेश म्हणाला - दोर कापून मृतदेह फासावरुन काढला

अखिल भारतीय आखाडा परिषदेचे अध्यक्ष आणि बाघंबरी मठाचे महंत नरेंद्र गिरी यांच्या संशयास्पद मृत्यूनंतर मठात राहणाऱ्या सेवादार आणि शिष्यांवरही प्रश्न उपस्थित केले जात आहेत. मठात उपस्थित असलेले शिष्य बबलू सांगतात की, रविवारीच महंत नरेंद्र गिरी यांनी गव्हामध्ये ठेवण्यासाठी सल्फास गोळ्या मागवल्या होत्या. मात्र, खोलीत सापडलेली सल्फास बॉटल उघडलेली नव्हती. त्याच वेळी, एका शिष्याने सांगितले की कपडे लटकवण्यात अडचण येतेय असे सांगत महंतांनी दोन दिवसांपूर्वी नवीन नायलॉन दोरी मागवली होती. शिष्याने एक नायलॉन दोरी आणली होती. महंत यांनी या दोरीनेच गळफास घेतला.

शिष्य सर्वेश म्हणाला - दोर कापून मृतदेह फासावरुन काढला
प्रत्यक्षदर्शी सर्वेशने सांगितले, 'मी आणि दुसरा शिष्य सुमीतने महंत जींना फासावरुन काढले होते. दररोज महंत नरेंद्र गिरी संध्याकाळी 5 च्या सुमारास चहा घेण्यासाठी खोलीतून बाहेर पडायचे. संध्याकाळी 5.15 पर्यंत दरवाजा उघडला नाही तेव्हा दरवाजा ठोठावला. फोन केला. फोन उचलला नाही. दरवाजा ढकलून तो आत शिरला तेव्हा त्याने पाहिले की त्यांचा मृतदेह फाशीवर लटकलेला आहे. दोरी कापून मृतदेह फासावरुन खाली काढण्यात आला. पोलिसांना माहिती देण्यात आली.

खोलीत महंत नरेंद्र गिरींचा मृतदेह
खोलीत महंत नरेंद्र गिरींचा मृतदेह

एक दिवसपूर्वी आनंदात घेतली अनेकांची भेट
महंत नरेंद्र गिरी यांनी त्यांच्या मृत्यूच्या एक दिवस आधी उत्तर प्रदेशचे उपमुख्यमंत्री केशव प्रसाद मौर्य याची प्रसन्नतेने भेट घेतली होती. आठवडाभरापूर्वी राज्याचे पोलिस प्रमुख मुकुल गोयलही महंतांना भेटण्यासाठी पोहोचले होते. या काळातही ते आनंदी होते. आदल्या दिवशीसुद्धा वेगवेगळ्या लोकांना भेटताना त्यांच्या चेहऱ्यावर तणाव नव्हता. पंख्याला लटकलेल्या अवस्थेत सापडल्यानंतर त्यांची 7 पानांची सुसाईड नोट समोर येत आहे. यावर प्रश्न असा आहे की महंत फारसे वाचत आणि लिहीत नव्हते. या सर्व गोष्टी महंत यांच्या आत्महत्येच्या सिद्धांतावर प्रश्न उपस्थित करत आहेत.

सुसाईड नोटची भाषा अशी की, जणू सर्वकाही पूर्वनियोजित आहे
पोलिस सूत्रांनी दिलेल्या माहितीनुसार, घटनास्थळावरून सापडलेल्या 7 पानांची सुसाईड नोट बघून असे वाटते की हे सर्व पूर्वनियोजित आहे आणि अनेक दिवसांपासून मंथन चालू आहे. ही नोट महंत नरेंद्र गिरी यांनी स्वतः लिहिली असेल तर त्या वेळी त्यांची मनोदशा काय होती? महंतजी फारसे लिहित नव्हते असा अनेक शिष्यांचा दावा आहे. त्याचवेळी, प्रयागराज अखिल भारतीय संत समिती आणि गंगा महासभेचे महासचिव जितेंद्रानंद सरस्वती यांनी असा दावा केला आहे की ते इतकी मोठी सुसाईड नोट लिहू शकत नाही. महंत जींना फक्त स्वाक्षर आणि कामापुरते लिहिणे माहिती होते.

बातम्या आणखी आहेत...