काँग्रेस अध्यक्षांसोबत पंतप्रधान मोदींचं लंच:संसदेत गदारोळानंतर भाजपचे विरोधकांसोबत जेवण; कृषीमंत्र्यांनी केली व्यवस्था

पंतप्रधान नरेंद्र मोदी यांच्या पुढाकाराने, कृषिमंत्री नरेंद्र सिंह तोमर यांनी संसदेच्या आवारात मंगळवारी खासदारांसाठी भोजनाची व्यवस्था केली. यावेळी भाजप नेत्यांसोबत काँग्रेस नेतेही जेवण करताना दिसले. काँग्रेस अध्यक्ष मल्लिकार्जुन खरगे यांनी पंतप्रधान मोदींसोबत दुपारचे जेवण घेतले. पंतप्रधानांनी त्यांच्या ट्विटर हँडलवरून त्याचा फोटो पोस्ट केला आहे.

मात्र, भोजनापूर्वी काँग्रेसचे प्रदेशाध्यक्ष खरगे यांना कुत्र्याच्या वक्तव्यावरून भाजपने कोंडीत पकडले. भाजपने खरगे यांनी माफी मागावी अशी मागणी केली. त्यावर मी जे बोललो ते सभागृहाबाहेर बोललो असे खरगे म्हणाले.

पाहा पंतप्रधान मोदींच्या संसदेतील जेवणाची छायाचित्रे...

काय होते खरगे यांचे वादग्रस्त विधान?

राजस्थानमधील अलवर येथे रविवारी काँग्रेस अध्यक्ष खरगे म्हणाले होते की, आम्ही देशाला स्वातंत्र्य दिले आणि इंदिरा आणि राजीव गांधी यांनी देशाच्या एकात्मतेसाठी बलिदान दिले. आमच्या पक्षाच्या नेत्यांनी जीव दिला, तुम्ही काय केले? तुमच्या घरातील एखादा कुत्रा तरी देशासाठी मेला आहे का? (कोणी) काही त्याग केला आहे का? नाही.

या विधानावरून भाजपने खरगे यांना घेरले

खासदार पियुष गोयल म्हणाले की, विरोधी पक्षनेते मल्लिकार्जुन खरगे यांनी अशोभनीय भाषण केले. त्यांनी असभ्य भाषा वापरली, निराधार विधाने केली आणि राष्ट्रासमोर खोटे बोलण्याचा प्रयत्न केला. खारगे यांनी भाजप, संसद आणि देशातील जनतेची माफी मागावी. खरगे यांनी त्यांच्या मानसिकतेची झलक दाखवली आहे.