मोदी सलग तिसऱ्या वर्षी जगातील सर्वात लोकप्रिय नेते:अमेरिकेचे अध्यक्ष बायडेन 7व्या आणि ब्रिटनचे PM ऋषी सुनक 16व्या स्थानी

पंतप्रधान नरेंद्र मोदी यांची पुन्हा एकदा जगातील सर्वात लोकप्रिय नेते म्हणून निवड झाली आहे. अमेरिकन डेटा इंटेलिजन्स फर्म 'द मॉर्निंग कन्सल्ट'च्या सर्वेक्षणानुसार, पंतप्रधान नरेंद्र मोदी यांनी अप्रूव्हल रेटिंगमध्ये अमेरिकेचे अध्यक्ष जो बायडेन आणि यूकेचे पंतप्रधान ऋषी सुनक यांच्यासह 22 देशांच्या नेत्यांना मागे टाकले आहे.

पीएम मोदींचे अप्रूव्हल रेटिंग 78% आहे. या यादीत अमेरिकेचे राष्ट्राध्यक्ष बायडेन 40% रेटिंगसह 7व्या क्रमांकावर आहेत. गेल्या वेळी ते 11व्या क्रमांकावर होते. तर ब्रिटनचे पंतप्रधान ऋषी सुनक हे 16व्या स्थानावर आहेत.

या अहवालात दुसऱ्या क्रमांकावर मेक्सिकोचे राष्ट्राध्यक्ष लोपेझ ओब्राडोर आहेत. ज्यांना 68% रेटिंग मिळाले. तिसऱ्या क्रमांकावर स्वित्झर्लंडचे राष्ट्राध्यक्ष अॅलेन बेर्सेट आहेत, ज्यांना 62% लोकांनी पसंती दिली आहे. तर ऑस्ट्रेलियाचे पंतप्रधान अँथनी अल्बानीज चौथ्या क्रमांकावर आहेत, त्यांना 58% लोकांनी पसंती दिली आहे. हे सर्वेक्षण यावर्षी 26 ते 31 जानेवारी दरम्यान करण्यात आले.

PM मोदी कायम टॉपवर
पीएम मोदी गेल्या दोन वर्षांपासून सातत्याने या रेटिंग लिस्टमध्ये टॉपवर आहेत.

मे 2020: मे 2020 मध्ये 84% लोकप्रियतेसह मोदी या यादीत अग्रस्थानी होते.

सप्टेंबर 2021: 2021 मध्ये मोदींना पुन्हा सर्वात चर्चित आणि लोकप्रिय नेत्याचा दर्जा मिळाला. या सर्वेक्षणात पीएम मोदींचे अप्रूव्हल रेटिंग 70 टक्के होते.

जानेवारी 2022: PM मोदींना जगभरातील 71% लोकांनी त्यांना पसंत करून जगातील सर्वात लोकप्रिय नेते बनले.

ऑगस्ट 2022: 'द मॉर्निंग कन्सल्ट' च्या ऑगस्ट 2022 च्या सर्वेक्षणात, PM मोदी 75% च्या मान्यता रेटिंगसह शीर्षस्थानी राहिले.

कोरोनाच्या दुसऱ्या लाटेत लोकप्रियता घसरली
द मॉर्निंग कन्सल्टच्या सर्वेक्षणानुसार, भारतात कोरोनाच्या दुसऱ्या लाटेत (वर्ष 2021) पंतप्रधान मोदींचे डिसअप्रूव्हल रेटिंग (लोकप्रियतेत घट) पीकवर होते. तेव्हा कोरोनामुळे रुग्णालयांमध्ये ऑक्सिजनच्या कमतरतेचा देशावर वाईट परिणाम झाला. मात्र, पंतप्रधान मोदींच्या नेतृत्वाखालील केंद्र सरकारने या कठीण परिस्थितीतून झटपट बाहेर काढले.

अप्रूव्हल रेटिंग 2020 मध्ये 84% वर
पंतप्रधान मोदींचे अप्रूव्हल रेटिंग मे 2020 मध्ये सर्वोच्च 84% होते. तेव्हा भारत कोरोनाच्या संकटातून बाहेर पडत होता. या वर्षी जूनमध्ये जाहीर झालेल्या मान्यता रेटिंगच्या तुलनेत यावेळी पंतप्रधान मोदींचे अप्रूव्हल रेटिंग सुधारले होते. जूनमध्ये पीएम मोदींचे अप्रूव्हल रेटिंग 66% होते. मोदींचे डिसअप्रूव्हल रेटिंगही घसरले. जवळपास 25% च्या घसरणीसह, ते आता यादीच्या तळाशी आहेत.