पोस्ट-बजट वेबिनारमध्ये PM मोदींचे मार्गदर्शन:म्हणाले- आजचा वेबिनार भारतातील कोट्यवधी लोकांच्या कौशल्याला समर्पित

पंतप्रधान नरेंद्र मोदी यांनी आज म्हणजेच 11 मार्चला व्हिडिओ कॉन्फरन्सिंगद्वारे 'पीएम विश्वकर्मा कौशल्य सन्मान' (पीएम विकास) या पोस्ट-बजेट वेबिनारला संबोधित केले. PM मोदी म्हणाले की, आजचा अर्थसंकल्पाचा हा वेबिनार भारतातील करोडो लोकांच्या कौशल्यांना समर्पित आहे. कौशल्यासारख्या क्षेत्रात आपण जेवढे अधिक प्राविण्य मिळवू तेवढे यश आपल्याला मिळेल.

लोकांकडून अतिशय महत्त्वाच्या सूचना

याबाबत अनेक सूचना देखील आल्या आहेत. हा अर्थसंकल्प अर्थपूर्ण कसा करता येईल यावर सर्व संबंधितांनी चर्चा केली. संसदेत ज्या चर्चा होतात. ज्या खासदार मंडळी विचार मांडतात. त्याचप्रमाणे जनतेकडून देखील सखोल चिंतन मिळाले आहे. हा कार्यक्रम 12 पोस्ट-बजेट वेबिनारच्या सीरीजचा एक भाग आहे. वेबिनारच्या या सीरीजमध्ये केंद्र सरकार 2023-24 च्या अर्थसंकल्पात केलेल्या घोषणांबद्दल कल्पना आणि सूचना गोळा करत आहे. जेणेकरून त्या सर्व घोषणांवर योग्य दिशेने काम करता येईल.

PM विश्वकर्मा योजनेचे राहील लक्ष्य
शहरांमध्ये विविध कारागीर आहेत. जे त्यांचे कौशल्य आणि साधने वापरून आपले जीवन जगतात, पीएम विश्वकर्मा यांचे लक्ष अशाच एका विखुरलेल्या समुदायाकडे आहे. महात्मा गांधींच्या ग्रामस्वराज संकल्पनेवर नजर टाकली तर गावाच्या जीवनात शेतीसोबतच इतर व्यवस्थाही तितक्याच महत्त्वाच्या आहेत.

हेच 'पीएम विकास'चे उद्दिष्ट
'पीएम विश्वकर्मा कौशल सन्मान'चा उद्देश कारागीर आणि कारागीरांना देशांतर्गत आणि जागतिक मूल्य साखळींशी जोडणे आहे. असे करून, सरकारला त्यांची उत्पादने आणि सेवांची गुणवत्ता, प्रमाण आणि पोहोच सुधारायचे आहे.