आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

पंजाब भाजपची मिशन 2024 साठी तयारी:मोदींची पंजाब भाजप नेत्यांसोबत अर्धा तास बैठक; केंद्राची धोरणे घरोघरी पोहोचवण्याचे आदेश

चंदीगड3 महिन्यांपूर्वी
  • कॉपी लिंक

पंतप्रधान नरेंद्र मोदी यांनी पंजाब भाजपला 'मिशन 2024' मध्ये सहभागी होण्याचे आव्हान केले आहे. देशात 2024 मध्येच लोकसभेच्या निवडणुका आहेत. पंजाबमध्ये लोकसभेच्या 13 जागा असून या जागांसाठी एकटा भाजप पक्ष निवडणूक लढवणार आहे. याबाबत पीएम मोदींनी पंजाबमधील भाजप नेत्यांची बैठक घेतली. ज्यामध्ये त्यांना केंद्र सरकारची लोककल्याणकारी धोरणे घरोघरी पोहोचवण्याच्या सूचना देण्यात आल्या. केंद्राच्या चांगल्या कामांची जाणीव करून देण्यासाठी त्यांनी ग्राउंड लेव्हलला जाऊन काम करण्याचे आदेश मोदींनी यावेळी नेत्यांना दिले.

पंतप्रधानांनी मोहालीच्या न्यू मुल्लानपूर येथे होमी भाभा कर्करोग रुग्णालय आणि संशोधन केंद्राचे उद्घाटन केले. यानंतर त्यांनी पंजाब भाजपच्या नेत्यांची सुमारे अर्धा तास बैठक घेतली.
पंतप्रधानांनी मोहालीच्या न्यू मुल्लानपूर येथे होमी भाभा कर्करोग रुग्णालय आणि संशोधन केंद्राचे उद्घाटन केले. यानंतर त्यांनी पंजाब भाजपच्या नेत्यांची सुमारे अर्धा तास बैठक घेतली.

कॅन्सर हॉस्पिटलच्या उद्घाटनानंतर बैठक

पंतप्रधान नरेंद्र मोदी यांनी काल मोहालीतील मुल्लानपूर येथे होमी भाभा कर्करोग रुग्णालय आणि संशोधन केंद्राचे उद्घाटन केले. कार्यक्रम आटोपल्यानंतर त्यांनी त्याठिकाणी भाजप नेत्यांची बैठक घेतली. प्रदेशाध्यक्ष अश्वनी शर्मा, केंद्रीय मंत्री सोमप्रकाश, तरुण चुघ, नरिंदर रैना, अविनाश राय खन्ना, डॉ. सुभाष शर्मा, जीवन गुप्ता, सुनील जाखर, राणा गुरमीत सोधी, फतेह जंग बाजवा, बलबीर सिद्धू, केवल ढिल्लन आणि डॉ. राजकुमार वेरका या बैठकीला उपस्थित होते.

अकाली दलासोबत युती तोडल्यानंतर पहिली लोकसभा निवडणूक

भाजपने मागील लोकसभा निवडणूक शिरोमणी अकाली दल (बादल) सोबत युती करून लढवली होती. मात्र, गेल्या वर्षी अकाली दलाने कृषी कायद्याला विरोध करत युती तोडली. पंजाबमध्ये भाजप एकट्याने लढण्याची ही पहिलीच वेळ आहे. भाजपने मागील विस निवडणूक कॅप्टन अमरिंदर सिंग आणि सुखदेव धिंडसा यांच्या पक्षासोबत युती करून लढवली होती. मात्र त्यावेळी त्यांना यश मिळाले नाही. गेल्या निवडणुकीच्या तुलनेत भाजपची व्होट बँक वाढताना दिसत आहे, हे निश्चित.

बातम्या आणखी आहेत...