राजकारण:PM मोदींचे बेल्लारीत 'केरल स्टोरी'वर भाष्य; म्हणाले - हा समाजाला आतून पोकळ करण्याचा प्रयत्न

कर्नाटक विधानसभा निवडणुकीच्या प्रचाराच्या शेवटच्या फेरीत पंतप्रधान नरेंद्र मोदी यांनी शुक्रवारी बेल्लारी येथील सभेत 'जय बजरंग बली'चा नारा देत भाषणाची सुरुवात केली. त्यानंतर ते म्हणाले की, काँग्रेसला माझ्या जय बजरंग बली म्हणण्यावरही आक्षेप आहे.

एवढेच नाही तर मोदींनी या या रॅलीत 'केरल स्टोरी' या चित्रपटावरही भाष्य केले. पंतप्रधान म्हणाले - केरळ भारताचे एक सुंदर राज्य आहे. पण तिथे छुप्या पद्धतीने कसा दहशतवादी कट रचला जात होता हे संपूर्ण जग पाहत आहे.

पंतप्रधान मोदींनी बेल्लारीमध्ये 47 मिनिटे भाषण केले. त्यानंतर तुमकुरू येथे होणाऱ्या दुसऱ्या रॅलीसाठी रवाना झाले. गत आठवडाभरातील मोदींचा हा तिसरा कर्नाटक दौरा आहे.

मोदींच्या बेल्लारीतील भाषणातील ठळक मुद्दे...

काँग्रेस पैशाच्या जोरावर खोट्या गोष्टी पसरवते

पंतप्रधान नरेंद्र मोदी यांनी यावेळी काँग्रेसच्या जाहीरनाम्यातील आश्वासनांवरही भाष्य केले. ते म्हणाले - काँग्रेस पैशाच्या जोरावर निवडणुका जिंकण्यासाठी खोट्या गोष्टी पसरवते. काँग्रेसच्या जाहीरनाम्यात अनेक खोटी आश्वासने आहेत. ते टाळेबंदी व तुष्टीकरणाचे बंडल आहे. व्होटबँकेच्या भीतीमुळे आज काँग्रेसने दहशतवादाविरोधात चकार शब्द काढण्याची हिंमतही गमावली आहे.

मोदी म्हणाले - आम्ही सुदानमधून कर्नाटकच्या बंधू-भगिनींना सुखरूप आणले
सुदानमधील सद्यस्थितीवर भाष्य करताना पंतप्रधान नरेंद्र मोदी म्हणाले, सुदानमध्ये सध्या गृहयुद्धाची स्थिती आहे. कुठेतरी गोळीबार व्हायचा, तर कुठे बॉम्बस्फोट व्हायचे. घरातून बाहेर पडणेही अवघड झाले होते. आपले हजारो भारतीय बंधू-भगिनी सुदानमध्ये अडकले होते. यात कर्नाटकातीलही शेकडो जणांचा समावेश होता. पण सरकारने त्यांना त्यांच्या घरी सुखरूप परत आणले.

'केरल स्टोरी' चित्रपटावर भाष्य
यावेळी देशात सर्वाधिक चर्चेत असणाऱ्या केरल स्टोरी नामक चित्रपटावरही पंतप्रधान बोलले. ते म्हणाले - केरल स्टोरीची कथा केवळ एकाच राज्यातील दहशतवादी कारस्थानांवर आधारित असल्याचे म्हटले जाते. देशाचे एवढे सुंदर राज्य, तेथील लोकही खूप कष्टाळू व प्रतिभावान आहेत. त्यानंतरही तिथे सुरू असलेले दहशतवादाचे कारस्थान या चित्रपटातून उजेडात आले आहे.

दिव्य मराठीच्या खालील इतर बातम्या वाचा...

'द केरल स्टोरी' चित्रपटाची खरी कहाणी:हजारो हिंदू मुलींना इस्लाम धर्म स्वीकारून सीरियात पाठवल्याची चर्चा कशी सुरू झाली?

'द केरल स्टोरी' हा चित्रपट त्याची कथा आणि दाव्यांमुळे चर्चेत आहे. त्याचा ट्रेलर 26 एप्रिल रोजी रिलीज झाला होता. हा चित्रपट 4 मुलींच्या जीवनावर आधारित आहे. 2 मिनिट 45 सेकंदाच्या ट्रेलरमध्ये 4 महाविद्यालयीन मुली दहशतवादी संघटनेत कशा प्रकारे सामील होतात हे दाखवण्यात आले आहे.

ट्रेलरची सुरुवात शालिनी उन्नीकृष्णन या केरळमधील हिंदू मुलीच्या परिचयाने होते, ज्यामध्ये ती दहशतवादी संघटना ISIS मध्ये सामील होण्याची संपूर्ण कहाणी सांगत आहे. ट्रेलरमध्ये दाखवण्यात आले आहे की एक टोळी केरळमधील मुलींचे ब्रेनवॉश करून त्यांचे धर्मांतर करून त्यांना ISIS या दहशतवादी संघटनेचा भाग बनवते. यासाठी कधी शारीरिक संबंध, तर कधी धार्मिक श्रद्धा हे साधन म्हणून वापरले जातात.

हा ट्रेलरचा विषय झाला. 'द केरल स्टोरी' चित्रपटात केलेले आरोप सिद्ध करणाऱ्याला एका मुस्लिम संघटनेने एक कोटी रुपयांचे बक्षीस जाहीर केले आहे. 5 मे रोजी प्रदर्शित होणाऱ्या या चित्रपटावर केरळचे मुख्यमंत्री पिनराई विजयनपासून ते शशी थरूरपर्यंत अनेकांनी प्रश्न उपस्थित केले आहेत.

आता चित्रपटात केलेले दावे खरे की खोटे? हा प्रश्न आहे. 'द केरल स्टोरी' या चित्रपटाची खरी कहाणी दिव्य मराठी एक्सप्लेनरमध्ये आपण पाहणार आहोत.... येथे वाचा संपूर्ण बातमी...

मोदींनी येडियुरप्पांचा हात असाच पकडला नाही:80 वर्षांच्या येडिंची 500 मठांवर पकड, कर्नाटकात तेच BJP ची स्ट्रॅटेजी ठरवणार

27 फेब्रुवारी रोजी पंतप्रधान नरेंद्र मोदी कर्नाटकात होते. हे निवडणुकीचे वर्ष आहे, म्हणून एक मोठी रॅली देखील आयोजित करण्यात आली होती. विशेष गोष्ट अशी आहे की या मेळाव्यात पंतप्रधानांनी स्टेजवर मुख्यमंत्री बसवराज बोम्मई किंवा राज्याच्या अध्यक्षांचे नाव घेतले नाही. त्यांनी फक्त एका नेत्याचा उल्लेख केला आणि ते बीएस येडियुरप्पा. पंतप्रधान येडियुरप्पांसमोर दोनदा वाकले आणि त्यांना अभिवादन केले. जेव्हा शिवमोगा विमानतळाचे उद्घाटन करण्यासाठी गेले, तेव्हाही ते येडियुरप्पांसोबतच राहिले. येथे वाचा संपूर्ण बातमी...