आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

YouTube वर मोदींचे 1 कोटी सब्सक्रायबर:2007 मध्ये बनवले होते चॅनल; अमेरिकेचे राष्ट्राध्यक्ष बायडेन यांना देखील टाकले मागे; जगातील नेत्यांमध्ये पहिला नंबर

नवी दिल्ली4 महिन्यांपूर्वी
  • कॉपी लिंक

पंतप्रधान नरेंद्र मोदींचे यूट्यूबवर 1 कोटी सब्सक्राइबर झाले आहेत. एवढे सब्सक्राइबर मिळवणारे ते जगातील पहिले नेते आहेत. पंतप्रधान नरेंद्र मोदींनी 26 ऑक्टोबर 2007 ला यूट्यूब जॉइन केले होते. जगभरातील लीडरमध्ये मोदींनंतर ब्राझीलचे प्रेसिडेंट जायर बोल्सोनारो आहेत. त्यांचे 36 लाख सब्सक्राइबर आहेत.

पंतप्रधानांच्या यूट्यूब चॅनलविषयी जाणून घेऊया...

गुजरात बजेट 2011 वर पहिला व्हिडिओ केला होता अपलोड

  • पीएम मोदी 2007 मध्ये यूट्यूबवर आले होते, परंतु त्यांनी 4 वर्षांनंतर 18 मार्च 2011 रोजी पहिला व्हिडिओ अपलोड केला होता. हा व्हिडिओ गुजरातच्या 2011-12 च्या अर्थसंकल्पातील आहे. या व्हिडिओला 35,375 व्ह्यूज मिळाले आहेत. त्याला 1400 लाईक्स मिळाले आहेत. तेव्हापासून त्यांच्या चॅनलवर व्हिडिओ येत राहिले, जे लाखो लोकांनी पाहिले.
  • मोदींच्या चॅनलचा सर्वाधिक लोकप्रिय व्हिडिओ एका दिव्यांगाचा आहे. 14 सेकंदाच्या या व्हिडिओमध्ये मोदी एका तरुणाला भेटत आहेत. तरुण मोदींशी बोलतो आणि नंतर त्यांच्या पायाला स्पर्श करून आशीर्वाद घेतो. हा व्हिडिओ काशीचा आहे. जो 19 फेब्रुवारी 2019 रोजी अपलोड केला होता. त्याला 7 कोटींहून अधिक व्ह्यूज मिळाले आहेत. त्याला 11 लाख लाईक्स मिळाले आहेत.

164 कोटींहून अधिक व्ह्यूज
मोदींचे यूट्यूब चॅनल Narendra Modi नावाने आहे. वृत्त लिहेपर्यंत त्यावर 164 कोटी 31 लाख 40 हजार 189 व्ह्यूज झाले होते. या चॅनलवरून ते पीएमओ इंडिया, भारतीय जनता पार्टी, योग विथ मोदी आणि एक्झाम वॉरियर्स मंत्रज या यूट्यूब चॅनेलचा प्रचारही करतात. ते त्यांच्या चॅनलवर सरकारशी संबंधित योजना, थेट कार्यक्रमही दाखवतात.

मोदींनंतर कोणत्या नेत्याचे सर्वात जास्त सब्सक्रायबर

ब्राझीलचे राष्ट्राध्यक्ष जैर बोल्सोनारो हे नरेंद्र मोदींनंतर यूट्यूब सब्सक्रायबर असलेले दुसरे सर्वात मोठे नेते आहेत. त्यांचे 36 लाख सब्सक्रायबर आहेत. त्याचबरोबर मेक्सिकोचे राष्ट्राध्यक्ष एंद्रेस मॅन्युएल लोपेझ ओब्राडोर हे यादीत तिसऱ्या क्रमांकावर आहेत. त्यांचे 30.7 लाख सब्सक्रायबर आहेत. त्यानंतर इंडोनेशियाचे राष्ट्राध्यक्ष जोको विडोडो आणि शेवटी अमेरिकेचे राष्ट्राध्यक्ष जो बायडेन यांचा क्रमांक लागतो.

भारतात मोदींनंतर राहुल गांधींचे अधिक सब्सक्रायबर आहेत
भारतात नरेंद्र मोदींनंतर राहुल गांधींच्या चॅनलच्या यूट्यूब सब्सक्रायबरची संख्या सर्वाधिक आहे. राहुलच्या चॅनलचे 5.25 लाख सब्सक्रायबर आहेत. शशी थरूर 4.39 लाख सब्सक्रायबरसह तिसऱ्या क्रमांकावर आहेत. त्याचबरोबर असदुद्दीन ओवेसी यांचे 3.73 लाख सब्सक्रायबर आहेत.

बातम्या आणखी आहेत...