पंजाबचे राजकारण तापले:नवज्योत सिद्धूची सुरक्षा घटवली; Z+ वरून Y+ करण्यात आली

रोड रेज प्रकरणी तुरुंगातून बाहेर आलेले पंजाब काँग्रेसचे माजी प्रदेशाध्यक्ष नवज्योत सिंग सिद्धू यांच्या सुरक्षेत केंद्र आणि राज्य सरकारने कपात केली आहे. तुरुंगातून बाहेर येताच त्याची सुरक्षा Z+ वरून Y+ करण्यात आली आहे. त्यानंतर नवज्योत सिंग सिद्धू यांनी राज्य आणि केंद्र सरकारवरविरोधात संताप व्यक्त केला.

यापूर्वी मिळालेल्या माहितीनुसार, नवज्योत सिंग सिद्धू पंजाबमध्ये मंत्री असताना त्यांना Y+ सुरक्षा देण्यात आली होती. मात्र काँग्रेस सरकारच्या काळात केंद्राने त्यांच्यावर हल्ला होण्याची शक्यता व्यक्त केली होती. त्यानंतर त्याची सुरक्षा Z+ वर अपग्रेड करण्यात आली. गेल्या वर्षी ते तुरुंगात गेले. तेव्हाही त्याच्याकडे Z+ सुरक्षा होती. मात्र साडेदहा महिन्यांनी ते कारागृहातून बाहेर आल्यानंतर त्यांची सुरक्षा कमी करण्यात आली आहे.

केंद्र आणि राज्य सरकारवर निशाणा
सुरक्षा कमी करण्यात आल्यानंतर नवज्योतसिंग सिद्धू यांनी राज्य आणि केंद्र सरकारवर निशाणा साधला आहे. एका मुलाखतीत त्यांनी सांगितले की, माझी सुरक्षा कमी करण्यात आली आहे. आधी तुम्ही एक सिद्धू (सिद्धू मूसवाला) मारला, आता दुसरा मारा. आधी त्यांच्याकडे 25 सुरक्षा कर्मचारी होते, परंतु आता त्यांची संख्या 12 करण्यात आली आहे.

सरकारला घेरले
यापूर्वी आम आदमी पक्षाच्या सरकारने सत्तेवर येताच व्हीआयपी सुरक्षा कमी केली होती. सरकारने सिद्धू मुसेवाला यांची सुरक्षा कमी केली होती आणि त्याची माहिती प्रसारमाध्यमांना दिली होती. त्यानंतर जग्गू आणि लॉरेन्स गँगच्या सदस्यांनी मिळून सिद्धू मुसेवालाची हत्या केली. आता नवज्योतसिंग सिद्धू यांच्या सुरक्षेत कपात केल्याने राज्य सरकार पुन्हा चर्चेत आले आहे.

आपण मृत्यूला घाबरत नसल्याचे सिद्धू म्हणाले
आपल्या सुरक्षेत घट केल्याबद्दल प्रतिक्रिया देताना नवज्योतसिंग सिद्धू म्हणाले की, ते संविधानाला आपला धर्मग्रंथ मानतात. हुकूमशाही चालवली जात आहे. ज्या संस्था राज्यघटनेची ताकद होती, त्यांना गुलाम बनवले जात आहे. ते मृत्यूला घाबरत नाही, ते जे काही करताय ते पुढच्या पिढीसाठी करत आहेत.

सिद्धूंना एक वर्षाची शिक्षा

नवज्योतसिंग सिद्धू यांना 34 वर्षे जुन्या रोडरेज प्रकरणी सर्वोच्च न्यायालयाने एक वर्षाच्या सश्रम कारावासाची शिक्षा सुनावली आहे. सिद्धूंच्या हल्ल्यात एका वृद्धाचा मृत्यू झाला होता. यापूर्वी सुप्रीम कोर्टाने एक हजार रुपयांचा दंड भरून त्यांची सुटका केली होती. सिद्धू यांना आता एकतर अटक होईल किंवा त्यांना आत्मसमर्पण करावे लागणार आहे. पंजाब पोलिसांना याप्रकरणी कायद्याचे पालन करावे लागणार आहे. येथे वाचा संपुर्ण बातमी.

सिद्धू कैदी नंबर 241383

रोडरेज प्रकरणी पतियाळा सेंट्रल जेलमध्ये गेलेले नवज्योत सिद्धू आता कैदी क्रमांक 241383 झाले आहेत. कारागृहात गेल्यानंतर त्यांना हा कैदी क्रमांक देण्यात आला आहे. सिद्धू यांनी शुक्रवारी संध्याकाळी पतियाळा सत्र न्यायालयात आत्मसमर्पण केले. तेथे वैद्यकीय तपासणी केल्यानंतर त्यांची रवानगी कारागृहात करण्यात आली. येथे वाचा संपुर्ण बातमी.