आपल्या शहरातील ताज्या बातम्या आणि ई-पेपर मिळवा मोफत

Install App
  • Marathi News
  • National
  • Navy To Deploy Two Female Officers On Warships For First Time, Rafale To Get First Female Pilot Soon

महिला सन्मान:नेव्ही प्रथमच दोन महिला अधिकाऱ्यांना युद्धनौकेवर तैनात करणार, राफेलला लवकरच मिळेल पहिली महिला पायलट

नवी दिल्लीएका महिन्यापूर्वी
  • कॉपी लिंक
डावीकडून सब लेफ्टिनेंट कुमुदिनी त्यागी आणि उजवीकडून सब लेफ्टिनेंट रिती सिंह.

भारतीय नौदलाच्या इतिहासात प्रथमच युद्ध नौकांवर सब लेफ्टनंट कुमुदिनी त्यागी आणि सब लेफ्टनंट रिती सिंग या दोन महिला अधिकाऱ्यांची तैनाती होणार आहे. दोघींना हेलिकॉप्टर स्ट्रीममध्ये ऑब्जर्वर (एअरबोर्न टेक्टिशियंस) पदासाठी निवडण्यात आले आहे.

युद्धनौकांवर महिला अधिकारी तैनात केल्याची बातमी अशा वेळी आली आहे जेव्हा भारतीय हवाई दलानेही राफेल विमानांच्या ताफ्याचे संचालन करण्यासाठी महिला लढाऊ पायलटांची निवड केली आहे. इंडिया टुडेच्या वृत्तानुसार अंबाला येथील भारतीय वायुसेनेच्या राफेल स्क्वॉड्रनला लवकरच प्रथम महिला लढाऊ पायलट मिळणार आहे. हवाई दलाच्या 10 महिला लढाऊ पायलट्सचे प्रशिक्षण चालू आहे. यापैकी एक 17 स्क्वॉड्रनच्या राफेल जेट उड्डाण करेल.

10 सप्टेंबर रोजी 5 राफेल विमान भारतीय हवाई दलात समाविष्ट करण्यात आले. फ्रान्सकडून भारताने 36 राफेल जेट खरेदी केली आहेत. त्यातील 5 भारतात आले आहेत. उर्वरित 2021 च्या अखेरपर्यंत भारतीय हवाई दलात सहभागी होतील.

17 अधिकाऱ्यांचा विंग्सने सन्मान करण्यात आला

सब लेफ्टिनेंट कुमुदिनी त्यागी आणि सब लेफ्टिनेंट रिती सिंह त्या 17 अधिकाऱ्यांपैकी आहेत, ज्यांना सोमवारी अधिकारी म्हणून कोच्चीमध्ये आयएनएस गरुडवर आयोजित एका कार्यक्रमात "ऑब्जर्वर" म्हणून "विंग्स"ने सन्मानित करण्यात येईल. यातील 13 अधिकारी रेगुलर बॅचचे आहेत आणि चार महिला अधिकारी शॉर्ट सर्विस कमीशन बॅचमधील आहेत.

या प्रोग्राममध्ये रियर एडमिरल एंटनी जॉर्ज म्हटले होते की, हा एक ऐतिहासिक क्षण आहे. यात पहिल्यांदा महिलांना हेलिकॉप्टर ऑपरेशनची ट्रेनिंग दिली जाईल. 91 व्या रेगुलर कोर्स आणि 22 व्या एसएससी ऑब्जर्वर कोर्सच्या अधिकाऱ्यांना एअर नेविगेशन, फ्लाइंग प्रोसिजर, एअर वारफेयरमध्ये डाव, अँटी-सबमरीन वारफेअरचे प्रशिक्षण दिले जाईल.