एनसीईआरटीने शाळा सुरू करण्याच्या तयारीबाबत सरकारला दिशानिर्देशांचा मसुदा दिला आहे. मसुद्यानुसार, शाळा सुरू झाल्यानंतर एका इयत्तेचे विद्यार्थी एकाच वेळी शाळेत येणार नाहीत. त्यासाठी रोल नंबरच्या आधारावर सम-विषम सूत्र लागू राहील किंवा दोन शिफ्टमध्ये हे विद्यार्थी येतील. मुलांच्या शाळेत येण्याच्या वेळांतही १०-१० मिनिटांचा फरक राहील. फिजिकल डिस्टन्सिंगसाठी वर्ग खुल्या जागेत घेतले तर अधिक चांगले राहील, असे मसुद्यात म्हटले आहे.

शाळा सुरू करण्याचे ६ टप्पे

> पहिला टप्पा - ११ वी-१२ वीचे वर्ग सुरू होतील

> १ आठवड्याने - ९ वी -१० वीचे वर्ग सुरू होतील

> २ आठवड्यांनी - ६ वी ते ८ वीचे वर्ग सुरू होतील

> ३ आठवड्यांनी - तिसरी ते ५ वीचे वर्ग सुरू होतील

> ४ आठवड्यांनी - पहिली,दुसरीचे वर्ग सुरू होतील

> ५ आठवड्यांनी - पालकांच्या संमतीनेच नर्सरी- केजीचे वर्ग सुरू होतील

मात्र, कंटेनमेंट झोन जोपर्यंत ग्रीन झोनमध्ये बदलत नाही तोपर्यंत तेथील शाळा बंदच राहतील

शाळा : वर्गात मुलांमध्ये ६ फूट अंतर आ‌वश्यक

> वर्गात ३० किंवा ३५ मुले असतील. मुलांत ६ फूट अंतर आवश्यक

> वर्गात एसी चालणार नाही. दरवाजे, खिडक्या उघड्या राहतील

> मुलांना सम-विषम सूत्रांनुसार बोलवावे लागेल. मात्र, गृहपाठ रोज द्यावा लागेल.

> मुले रोज एकाच जागी बसावीत त्यासाठी डेस्कवर नाव राहील.

> १५ दिवसांनी मुलाच्या प्रगतीबाबत पालकांशी चर्चा करावी लागेल.

> खोल्या रोज निर्जंतुक होतात की नाही हे व्यवस्थापनाला पाहावे लागेल.

> सकाळची प्रार्थना, वार्षिकोत्सव आदी कार्यक्रम होणार नाहीत.

> शाळेबाहेर खाण्या-पिण्याचे स्टॉल लागणार नाहीत.

> स्टाफ आणि विद्यार्थ्यांना प्रवेशापूर्वी स्क्रीनिंग अनिवार्य असेल

विद्यार्थी : वही,पेन्सिल, पेन दे‌व-घेव करणार नाहीत

> प्रत्येकाला मास्क आ‌वश्यक

> मुले वही, पेन, पेन्सिल, इरेझर शेअर करू शकणार नाहीत.

> पाणी सोबत आणतील. जेवण कुणाशीही शेअर करणार नाहीत.

> जे विद्यार्थी शाळेत फिजिकल डिस्टन्सिंग पाळणार नाहीत, त्यांच्या पालकांना सूचना जाईल.

पालक : फ्रंटलाइनबाबत तसे सांगावे लागेल

> जे पालक चिकित्सा, संरक्षण वा सफाईच्या कामात असतील तर त्यांना शाळेत कळवावे लागेल.

> ज्यांना फोनवर संपर्क साधता येणार नाहीत, त्यांनाच शिक्षकांना भेटता येईल.

> पीटीएम नसेल, दर १५ दिवसांनी शाळांतील मुलांच्या प्रगतीबाबत विचारणा करता येईल.

वाहतूक : एका आसनावर एकच विद्यार्थी बसेल

वाहतुकीबाबत लवकरच सविस्तर गाइडलाइन जारी होईल. एका आसनावर एकच मूल बसेल.

होस्टेल : सहा फूट अंतरावर बेड लावावे लागतील

क्षमतेच्या ३३% मुले होस्टेलमध्ये राहतील. दर ६ फुटांवर बेड राहील. त्यांना बाजारात जाता येणार नाही.

0