भास्कर एक्सक्लुझिव्ह:आता इंडिया.सरकार.भारत लिहूनही सरकारी वेबसाइट उघडणे शक्य, मोठा उपक्रम

हिंदी ही इंटरनेटची मान्यताप्राप्त भाषा बनवण्याच्या दिशेने सरकारने अत्यंत शांतपणे ऐतिहासिक पाऊल उचलले आहे. याअंतर्गत सरकारचे सर्व विभाग, मंत्रालये, संस्था आणि संस्थांच्या इंग्रजी संकेतस्थळाची हिंदी आवृत्ती भारताच्या स्वतःच्या हिंदी डोमेनमधून चालवण्याचा निर्णय घेण्यात आला आहे. म्हणजेच आता वेबसाइटचे नाव इंग्रजीत नाही तर हिंदीमध्ये नोंदवले जाणार आहे आणि देशातील ८०% हिंदी भाषिकांना त्यांच्या मातृभाषेत वेबसाइटची यूआरएल टाकून सरकारी विभागांची माहिती मिळू शकेल. इंग्रजीनंतर हिंदीला संवादाची पर्यायी भाषा बनवण्याच्या गृहमंत्री अमित शहा यांच्या विधानामुळे उपक्रमाला महत्त्व आहे.

सुरुवात...इंडिया पोर्टल वेबसाइट विकसित केली
सुरुवातीला, ‘इंडिया पोर्टल’ वेबसाइट एक मॉडेल म्हणून विकसित केली गेली. ते इंडिया.सरकार.भारत या पत्त्यावरून लाइव्ह करण्यात आले. त्याचप्रमाणे इतर मंत्रालयांच्या वेबसाइटही हिंदी डोमेनने सुरू केल्या जातील.

फायदा; ई-मेल अॅड्रेसही हिंदी नावाने करता येईल
इंटरनेट गव्हर्नन्स तज्ज्ञ हरीश चौधरी यांनी भास्करला सांगितले. लोक हिंदीत ई-मेल करू शकतील. सरकारी अधिकारी हिंदीतून ई-मेल पाठवू शकतील.उदा. गृह मंत्रालयाचे सचिव ई-मेल सचिव @सरकार.भारत

आता भारत सरकारचया वेबसाइट्स gov.in वर चालतात, जे आपल्या देशाचा डोमेन आहे. दुसरे देश जसे पाकचे .pk, फ्रान्सचे .fr, इटलीचा .it आणि चीनचा .cn आहे. जगभरात आता .com डोमेनचा बोलबाला आहे. याची जवळपास २० कोटी नोंदणी झाली आहे. तर भारताची .in चे सुमारे २५ लाख नोंदणी आहे.