आईचा उद्धार करण्यासाठी मुलींनी मोडली परंपरा:आईच्या अंत्यसंस्कारानंतरही मुले आले नाही, मुलींनीच तिरडी बनवली, खांद्यावर घेऊन 4 किमी चालत पोहोचल्या स्मशानात

आईच्या अंत्यसंस्कारावर जेव्हा मुले पोहोचले नाहीत तेव्हा मुलींनी तिरडीला खांदा दिला. हे प्रकरण ओडिशातील पुरी येथील आहे. येथील मंगळघाट येथील रहिवासी असलेल्या जाती नायक (80) यांचा रविवारी मृत्यू झाला. त्यांना 2 मुले आणि 4 मुली आहेत.

आईच्या मृत्यूनंतरही दोन्ही मुले आली नसल्याचे शेजाऱ्यांनी सांगितले. प्रदीर्घ प्रतीक्षेनंतरही मुले न पोहोचल्याने 4 मुलींनी आईला स्मशानभूमीत नेण्याचा निर्णय घेतला. मुलींनी शेजाऱ्यांच्या मदतीने तिरडी तयार केली आणि 4 किलो मीटरपर्यंत स्मशानभूमीत नेले.

आईने आधीच सांगितले होते - मुले तर काळजी करत नाही
मृत जाती यांच्या जावायाने सांगितले, काही दिवसांपूर्वी सासू भेटायला आल्या होत्या. तेव्हा त्या म्हणाल्या, "तुच माझा मोठा मुलगा आहेस, कारण माझा कोणीही मुलगा माझी काळजी घेत नाही. अनेक वर्षे ते मला भेटायलाही आले नाहीत."

मुलगी म्हणाली - भावांनी कधीच आईची काळजी घेतली नाही
जाती यांची मुलगी सीतामणी साहू यांनी सांगितले की, आमचे भाऊ गेल्या 10 वर्षांपासून त्यांच्या आईची काळजी घेत नाहीत. भाऊंनी कधीच आईला सोबत ठेवले नाही. इतक्या वर्षात एकदाही त्यांनी विचारले नाही की आई बरी आहे की नाही. आईने एकटीने स्वतःची काळजी घेतली. मृत्यूच्या काही दिवस आधी ती आजारी पडली होती. आम्ही त्यांना रुग्णवाहिकेतून रुग्णालयात नेले आणि दाखल केले. त्यानंतरही आमचे भाऊ आईला भेटायला आले नाहीत.