आपल्या शहरातील ताज्या बातम्या आणि ई-पेपर मिळवा मोफत

डाउनलोड करा
  • Marathi News
  • National
  • Operation Kaveri; PM Narendra Modi To Hakki Pikki Tribe In Karnataka (Shivamogga)

सुदानहून परतलेल्या 210 जणांना भेटले मोदी:म्हणाले- जगात कुठेही भारतीय अडकला तर झोप येत नाही

23 दिवसांपूर्वी
  • कॉपी लिंक

पंतप्रधान नरेंद्र मोदी यांनी रविवारी सुदानमधून कर्नाटकमध्ये परतलेल्या लोकांशी संवाद साधला. ऑपरेशन कावेरीच्या माध्यमातून हक्की पिक्की जमातीच्या 210 जणांना सुदानमधून कर्नाटकच्या शिवमोग्गामध्ये आणण्यात आले आहे. यावेळी पंतप्रधानांनी त्यांचे अनुभव ऐकले. यावेळी मोदी म्हणाले की, जगात कोणताही भारतीय अडकला तर त्यांना झोप येत नाही.

वास्तविक, सुदानमध्ये गेल्या अनेक दिवसांपासून लष्कर आणि निमलष्करी दलांमध्ये युद्ध सुरू आहे. यात अनेक भारतीय तेथे अडकले. त्यांना परत आणण्यासाठी भारत सरकारने ऑपरेशन कावेरी सुरू केले. यात आतापर्यंत 4000 हून अधिक जणांना देशात परत आणण्यात आले आहे.

परत आलेल्यांना मोदींनी सुदानबद्दल अनेक प्रश्न विचारले.
परत आलेल्यांना मोदींनी सुदानबद्दल अनेक प्रश्न विचारले.

आता वाचा पंतप्रधान आणि सुदानहून परतलेल्या भारतीयांमधील प्रश्नोत्तरे...

पंतप्रधानांचा प्रश्न : आधी मला सांगा, संकट कसे सुरू झाला? तुम्हाला कधी कळाले? तेव्हा तुम्ही कुठे होता?

उत्तरः आम्ही सर्व 15 ते 20 जण एका हॉटेलमध्ये होतो. अचानक मोठा स्फोट झाला. पाण्याची टाकी उडवून देण्यात आली. त्यानंतर लाईटचा ट्रान्सफॉर्मर उडाला. हळूहळू खाण्या-पिण्याच्या गोष्टी मिळणे बंद झाले. विमानतळ बंद. आम्ही देवाकडे वाचवण्याची प्रार्थना करू लागलो, तेव्हा आमच्यासोबत राहणारी रुक्मणी म्हणाली काळजी करू नका, आपल्याकडे डबल इंजिन बसले आहे. काळजी करू नका, ते वाचवतील आणि तुम्ही वाचवले.

पंतप्रधानांचा प्रश्न: तुम्ही किती वर्षांपासून सुदानला आहात?

उत्तरः आम्ही 4-5 वर्षांपासून आहोत. आम्हाला वाटले की आम्ही जिवंत परत येऊ शकणार नाही. पण आम्हाला परत आणण्यासाठी तुम्ही दिल्लीत बैठक घेतली. तेव्हा आपले पंतप्रधान आपल्याला वाचवतील याची खात्री होती. जसे वडील हरवलेल्या मुलाला शोधून घरी आणतात, त्याचप्रमाणे तुम्ही आम्हाला शोधून परत आणले.

पंतप्रधान मोदींनी हकी पिक्की जमातीच्या लोकांना सांगितले की, देशातील जनतेने तुम्हाला मदत केली. आता तुम्ही इतरांनाही मदत करा.
पंतप्रधान मोदींनी हकी पिक्की जमातीच्या लोकांना सांगितले की, देशातील जनतेने तुम्हाला मदत केली. आता तुम्ही इतरांनाही मदत करा.

पंतप्रधानांचा प्रश्न : तुमचे नुकसान तर झाले नाही ना?

उत्तरः आम्हाला तेथे एकही ओरखडाही आला नाही. आज आम्ही फक्त तुमच्यामुळेच परत आलो आहोत. यासाठी आभार.

सुदानमध्ये अडकलेल्या 4000 हून अधिक लोकांना भारतात आणण्यात आले: पंतप्रधान मोदी

पीएम मोदी म्हणाले की, इथल्या विरोधी पक्षनेत्यांनी अशी विधाने केली तर सुदानमधील भारतीय कुठे आहेत हे कळेल आणि ते मारले जातील, असे आम्हाला वाटले. त्यामुळे आम्ही शांतपणे काम केले. तिथे लुटमारही होत होती. त्यापासूनही बचाव करायाच होता. सुदानमध्ये अडकलेल्या 4000 हून अधिक लोकांना भारतात आणल्याचा आम्हाला आनंद आहे.

पंतप्रधानांनी हकी-पिक्की जमातीच्या लोकांना सांगितले की, देशातील जनतेने तुम्हाला मदत केली आहे. तुम्हाला कधी संधी मिळाली तर तुम्ही इतरांनाही मदत करा.