या महिन्यात 8 व्यांदा वाढल्या पेट्रोल-डिझेलच्या किंमती:राजस्थानमध्ये पेट्रोलच्या किंमती 100 च्या जवळपास, भोपाळमध्ये 93.56 आणि मुंबईत 92.28 रुपये लीटर झाल्या किंमती

पेट्रोल आणि डिझेलच्या दरात होणारी वाढ थांबण्याचे नाव घेत नाहीये. शनिवारी 23 जानेवारीला सरकारी तेल कंपन्यांनी पेट्रोल आणि डिझेलच्या दरात सलग दुसर्‍या दिवशी वाढ केली. यामुळे राजस्थानमधील पेट्रोलचे दर 100 रुपयांच्या जवळ पोहोचल्या आहेत. भोपाळमध्ये पेट्रोल 93.56 रुपये आणि मुंबईत 92.28 रुपये प्रति लिटर विकले जात आहे. जानेवारीत आतापर्यंत पेट्रोल आणि डिझेलच्या किंमतीत 8 पट वाढ झाली आहे.

दुसरीकडे 23 जानेवारीला दिल्लीत पेट्रोल 85.70 रुपये आणि डिझेल 75.88 रुपये प्रति लिटरपर्यंत पोहोचले. डिझेलच्या दरात 26 पैशांची वाढ झाली आहे तर पेट्रोलच्या दरात 25 पैशांनी वाढ झाली आहे. यापूर्वी शुक्रवारी देखील डिझेल-पेट्रोलच्या दरात वाढ करण्यात आली होती.

राजस्थानमधील गंगानगरमध्ये पेट्रोल 97.50 रुपये लीटरपर्यंत पोहोचले
मिळालेल्या माहितीनुसार राजस्थानच्या गंगानगर भागात पेट्रोलची किंमत प्रति लिटर 97.50 रुपयांवर पोचली आहे. डिझेलची किंमत प्रतिलिटर 88.91 रुपयांवर पोचली आहे. जयपूरमधील पेट्रोलची किंमत प्रति लिटर 93.20 रुपये झाली आहे. जर पेट्रोलचे दर अशाच प्रकारे वाढत राहिले तर लवकरच ते प्रति लिटर 100 रुपयांचा आकडा गाठेल.

जानेवारीत आतापर्यंत पेट्रोल 1.99 आणि डिझेल 2.01 रुपयांनी महाग झाले

जानेवारीत आतापर्यंत पेट्रोल-डिझेलच्या किंमतींमध्ये 8 पटींनी वाढ झाली आहे. यावेळी दिल्लीत पेट्रोल 1.99 रुपये प्रति लिटरने महागले आहे. दुसरीकडे डिझेलबद्दल बोलायचे झाले तर या महिन्यापर्यंत त्याची किंमत प्रतिलिटर 2.01 रुपयांनी वाढली आहे. 7 डिसेंबर रोजी दिल्लीतील पेट्रोलची किंमत 83.71 रुपये आणि डिझेलची किंमत 73.87 रुपये / लीटर होती. यानंतर, 29 दिवस त्यांच्या किंमती वाढल्या नाहीत. या महिन्यात प्रथमच 6 जानेवारी रोजी किंमती वाढवण्यात आल्या होत्या.