आपल्या शहरातील ताज्या बातम्या आणि ई-पेपर मिळवा मोफत

Install App
  • Marathi News
  • National
  • PFI Activists Arrest Mathura Update: FIR Registered Against Riots Conspiracy In Uttar Pradesh Hathras

यूपीमध्ये दंगतीचे षडयंत्र:पॉप्युलर फ्रंट ऑफ इंडियाला मिळाली 100 कोटी रुपयांची फंडिंग, मथुरेत पकडलेल्या चार कार्यकर्त्यांवर गुन्हा दाखल; दंगलीच्या टीप्स सांगणाऱ्या वेबसाइटशी संबंध

मथुरा21 दिवसांपूर्वी
  • कॉपी लिंक
  • पोलिसांनी सोमवारी रात्री मथुरेतील मांट टोल प्लाजावर चौघांना कलम 151 अंतर्गत अटक केले
  • ईडीदेखील या प्रकरणाचा तपास करेल, आतापर्यंत 100 कोटींपेक्षा जास्त फंडिंगचा खुलासा झाला

उत्तर प्रदेशातील मथुरेतून अटक केलेल्या पॉप्युलर फ्रंट ऑफ इंडिया (PFI)च्या 4 कार्यकर्त्यांविरोधात बुधवारी मांट पोलिस स्टेशनमध्ये एफआयआर दाखल झाली आहे. रिपोर्टमध्ये सांगितले आहे की, अतीक उर रहमान, आलम, सिद्दीक आणि मसूदकडून अटकेदरम्यान 6 स्मार्टफोन, एक लॅपटॉप आणि 'जस्टिस फॉर हाथरस विक्टिम'नावाचे पंपलेट आढळले आहे. हे चौघे दंगली पेटवण्याच्या उद्देशाने हाथरसला जात होते. सुरुवातीच्या तपासात हेदेखील समोर आले आहे की, दंगली करणे आणि पळून जाण्याच्या टीप्स सांगणाऱ्या वेबसाईटशी या चौघांचा संबंध आहे.

या वेबसाइटला परदेशातून फंडिंग मिळते. यामुळेच आता या प्रकरणात ईडीची एंट्री झाली आहे. सूत्रांनी सांगितले की, हाथरसच्या बहाण्याने जातीय दंगली घडवून आणण्यासाठी पॉप्युलर फ्रंट ऑफ इंडियाला 100 कोटी रुपयांपेक्षा जास्तीची फंडिंग मिळाली आहे. यात मॉरिशसमधून 50 कोटी रुपये आले आहेत.

पोलिस चारही आरोपींना रिमांडवर घेऊन चौकशी करेल

आता पोलिस चारही आरोपींना रिमांडवर घेऊन चौकशी करणार आहे. आतापर्यंत केलेल्या तपासात समोर आले आहे की, हे चौघे card.co नावाची वेबसाइट चालवत होते. या वेबसाइटच्या माध्यमातून फंड गोळा करण्याचे काम सुरू होते. या फंडद्वारे दंगल घडवूण आणण्याचा प्रयत्न होता. याशिवाय, या चौघांकडे सापडलेल्या पँपलेटमध्ये ' Am I not India's daughter, made with Carrd' अशा स्वरुपाचा मजकुर लिहीलेला आहे.