नव्या मैत्रीची सुरुवात:पंतप्रधान मोदींची US च्या राष्ट्राध्यक्षांसोबत फोनवर चर्चा, बायडेन यांनी शपथ घेतल्याच्या 19 दिवसांनंतर पहिल्यांदाच झाले बोलणे

पंतप्रधान नरेंद्र मोदींनी सोमवारी रात्री जवळपास 11 वाजता अमेरिकेचे राष्ट्राध्यक्ष जो बायडेन यांच्यासोबत फोनवर चर्चा केली. त्यांनी सोशल मीडियावर याविषयी माहिती दिली आहे. जो बायडेन यांनी 20 जानेवारीला अमेरिकेचे 46 वे राष्ट्राध्यक्ष म्हणून शपथ घेतली होती. याच्या 19 दिवसांनंतर पहिल्यांदा दोन्ही नेत्यांमध्ये चर्चा झाली.

मोदी म्हणाले की, जो बायडेन यांना मी विजयाच्या शुभेच्छा दिल्या. आम्ही स्थानिक समस्या आणि आमच्या सामायिक प्राधान्यक्रमांवर बोललो. आम्ही हवामान बदलांच्या विरोधात सहकार्याचा पाठपुरावा करण्यास देखील सहमती देतो. आम्ही इंडो-पॅसिफिक प्रदेश आणि त्यापलीकडे शांतता आणि सुरक्षिततेसाठी धोरणात्मक भागीदारी बळकट करण्यास तत्पर आहोत.

जागतिक दहशतवादाविरुद्ध लढा देताना क्वाड मजबूत करण्यावर चर्चा
व्हाईट हाऊसने सोमवारी रात्री एक प्रसिद्धी पत्रक प्रसिद्ध केले आणि दोन्ही नेत्यांमधील संभाषणाचे काही मुद्दे सांगितले. राष्ट्रपती जो बायडेन आणि पंतप्रधान मोदी यांच्यात जागतिक दहशतवादाबरोबर एकत्रितपणे लढा देण्यासाठी आणि क्वाड देशांचे संबंध दृढ करण्याच्या विषयावर चर्चा झाली.

3 महिन्यांपूर्वीही झाली होती चर्चा
सुमारे 3 महिन्यांपूर्वी राष्ट्राध्यक्षपदाची निवडणूक जिंकल्यानंतर पंतप्रधान मोदी जो बायडेन आणि उपराष्ट्राध्यक्ष कमला हॅरिस यांच्याशी बोलले होते. तेव्हाही, भारत-अमेरिकेची रणनीतिक भागीदारी, कोविड -19 साथीचा रोग, हवामान बदल आणि भारत प्रशांत क्षेत्रातील परस्पर समर्थन यासारख्या मुद्द्यांवर चर्चा झाली होती.

बायडेन पहिल्या आठवड्यात केवळ 7 राष्ट्रप्रमुखांशी बोलले
सुपर पॉवर अमेरिकेसाठी त्याचे परराष्ट्र धोरण अत्यंत महत्त्वाचे आहे. पहिल्या आठवड्यात बायडेन हे केवळ 7 प्रमुख राष्ट्रांशी फोनवर बोलले. यामध्ये अमेरिकेचा सर्वात जवळचा इस्त्राईल किंवा आशियातील दोन शक्ती म्हणजेच भारत आणि चीन नव्हते. सौदी अरेबिया, युएई आणि बहरेनसारख्या कोणत्याही आखाती देशांचादेखील या यादीत समावेश नव्हता. बायडेन यांनी कॅनडाचे पंतप्रधान जस्टिन ट्रूडो यांना पहिला फोन केला होता.