55 पेंटिंग्जमधून PM मोदींचा जीवन प्रवास:मुख्यमंत्री योगींनी वाराणसीमध्ये केले प्रदर्शनाचे उद्घाटन; पहा काही खास फोटो

मुख्यमंत्री योगी आदित्यनाथ आज एक दिवसीय वाराणसी दौऱ्यावर आहेत. सिग्रा येथील रुद्राक्ष इंटरनॅशनल कन्व्हेन्शन सेंटरमध्ये त्यांनी पंतप्रधान नरेंद्र मोदी यांच्या जीवन प्रवासावर आधारित 55 चित्रांच्या प्रदर्शनाचे उद्घाटन केले. दुपारी 4 नंतर ते लखनौला परततील.

दुबईतील एका चित्रकाराने काढलेली चित्रे
दुबईतील चित्रकार अकबर खान यांनी पंतप्रधान नरेंद्र मोदी यांच्या जीवन प्रवासावर 55 चित्रे काढली आहेत. चहा विकण्यापासून ते पंतप्रधान होण्यापर्यंतचा त्यांचा प्रवास या चित्रांमध्ये दाखवण्यात आला आहे. हे प्रदर्शन आजपासून सुरू होणार असून 17 नोव्हेंबरपर्यंत चालणार आहे.

आव्हाने आणि उपलब्धी दर्शविली
या 55 चित्रांपैकी 12 मध्ये पंतप्रधान नरेंद्र मोदी यांच्या जीवनाशी संबंधित, 32 चित्रे मन की बात संबधित आणि मन की बात पुस्तकातून घेतली आहेत. या पेंटिंग्सची खास गोष्ट म्हणजे जीएसटी, नोटाबंदी आणि सर्जिकल स्ट्राइक सारख्या प्रमुख धोरणात्मक निर्णयांनाही स्थान दिले आहे. या चित्रांमध्ये पीएम मोदींसमोरील आव्हाने आणि त्यांनी मिळवलेले यशही दाखवण्यात आले आहे.