आपल्या शहरातील ताज्या बातम्या आणि ई-पेपर मिळवा मोफत

डाउनलोड करा
  • Marathi News
  • National
  • PM Narendra Modi Karnataka Visit Latest Updates | IISc Center For Brain Research And Many Projects In Mysore Bangalore

PM मोदींचा 2 दिवसांचा कर्नाटक दौरा आजपासून:27,000 कोटींच्या प्रकल्पांचे उद्घाटन; 21 जूनला आंतरराष्ट्रीय योग दिनातही सहभाग

12 दिवसांपूर्वी
  • कॉपी लिंक

पंतप्रधान नरेंद्र मोदी यांनी सोमवारपासून कर्नाटकचा दोन दिवसांचा दौरा सुरू केला आहे. या भेटीपूर्वी पंतप्रधानांनी ट्विटही केले होते. ते म्हणाले की, या दोन दिवसांत 27,000 कोटी रुपयांच्या अनेक रेल्वे आणि रस्ते प्रकल्पांचे उद्घाटन आणि पायाभरणी केली जाणार आहे.

पंतप्रधान मोदी बेंगळुरूला पोहोचले आहेत. त्यांचे विमानतळावर कर्नाटकचे मुख्यमंत्री बसवराज बोम्मई आणि राज्यपाल थावरचंद गेहलोत यांनी स्वागत केले.
पंतप्रधान मोदी बेंगळुरूला पोहोचले आहेत. त्यांचे विमानतळावर कर्नाटकचे मुख्यमंत्री बसवराज बोम्मई आणि राज्यपाल थावरचंद गेहलोत यांनी स्वागत केले.

सेंटर फॉर ब्रेन रिसर्चचे उद्घाटन

PMO नुसार, पंतप्रधान सोमवारी दुपारी 12:30 वाजता इंडियन इन्स्टिट्यूट ऑफ सायन्स (IISc) बंगळुरू येथे पोहोचले, येथे त्यांनी सेंटर फॉर ब्रेन रिसर्चचे (CBR) उद्घाटन केले. 832 खाटांच्या बागची-पार्थसारथी मल्टीस्पेशालिटी हॉस्पिटलची पायाभरणी पंतप्रधान करणार आहेत.

पंतप्रधानांनी बंगळुरूमध्ये सेंटर फॉर ब्रेन रिसर्चचे उद्घाटन केले.
पंतप्रधानांनी बंगळुरूमध्ये सेंटर फॉर ब्रेन रिसर्चचे उद्घाटन केले.

कनेक्टिव्हिटी वाढवण्याच्या दिशेने एक पाऊल

पंतप्रधान बंगळुरू सब-अर्बन रेल प्रकल्पाची (BSRP) पायाभरणी करतील, जो बंगळुरू शहराला त्याची उपनगरे आणि सॅटेलाइट टाउनशिपशी जोडेल. यासाठी ₹ 15,700 कोटींहून अधिक खर्च येईल. पंतप्रधान बंगळुरू कॅंट आणि यशवंतपूर जंक्शन रेल्वे स्थानकांच्या पुनर्विकासाची पायाभरणी करतील. त्यांचा विकास करण्यासाठी सुमारे ₹500 कोटी आणि ₹375 कोटी खर्च केले जातील.

डॉ. बाबासाहेब आंबेडकर यांच्या पुतळ्याचे अनावरण

दुपारी 1:45 वाजता पीएम बंगळुरू येथील डॉ. बाबासाहेब आंबेडकर स्कूल ऑफ इकॉनॉमिक्स (BASE) ला भेट देतील, जेथे ते BASE विद्यापीठाच्या नवीन कॅम्पसचे उद्घाटन करतील आणि डॉ. बाबासाहेब आंबेडकर यांच्या पुतळ्याचे अनावरण करतील. कर्नाटकातील औद्योगिक प्रशिक्षण संस्थांचा (ITIs) कायापालट करून विकसित केलेल्या 150 'टेक्नॉलॉजी हब' देखील ते राष्ट्राला समर्पित करतील.

27000 कोटींहून अधिक किमतीच्या प्रकल्पांचे उद्घाटन-पायाभरणी

दुपारी 2:45च्या सुमारास, पंतप्रधान मोदी बंगळुरूमधील कोम्मघट्टा येथे पोहोचतील, जिथे ते 27000 कोटी रुपयांपेक्षा जास्त किमतीच्या अनेक रेल्वे आणि रस्ते पायाभूत सुविधा प्रकल्पांचे उद्घाटन आणि पायाभरणी करतील.

नागनहल्ली रेल्वे स्थानकावर कोचिंग टर्मिनलची पायाभरणी

संध्याकाळी 5:30 च्या सुमारास, पंतप्रधान म्हैसूरच्या महाराजा कॉलेज ग्राउंडवर एका सार्वजनिक कार्यक्रमाला उपस्थित राहतील, जेथे ते नागनहल्ली रेल्वे स्थानकावरील कोचिंग टर्मिनलची पायाभरणी करतील, जे 480 कोटी रुपयांपेक्षा जास्त खर्च करून विकसित केले जाईल.

सर एम. विश्वेश्वरय्या रेल्वे बनवण्यासाठी एकूण 315 कोटी रुपये खर्च करण्यात आले आहेत.
सर एम. विश्वेश्वरय्या रेल्वे बनवण्यासाठी एकूण 315 कोटी रुपये खर्च करण्यात आले आहेत.

भारतातील पहिले एसी रेल्वे स्टेशन

कार्यक्रमादरम्यान, पंतप्रधान सर एम विश्वेश्वरय्या - बैयप्पनहल्ली येथील भारतातील पहिले एसी रेल्वे स्टेशन राष्ट्राला समर्पित करतील. आधुनिक विमानतळाच्या धर्तीवर ते विकसित करण्यात आले आहे. सायंकाळी 7 वाजता ते म्हैसूर येथील श्री सुत्तूर मठाला भेट देतील आणि सुमारे 7.45 वाजता श्री चामुंडेश्वरी मंदिराला भेट देतील.

म्हैसूर पॅलेस मैदानावर हजारो लोकांसोबत पंतप्रधानांची योगासने

21 जून रोजी 8व्या आंतरराष्ट्रीय योग दिनानिमित्त पंतप्रधान सकाळी 6.30 वाजता म्हैसूर येथील म्हैसूर पॅलेस मैदानावर हजारो लोकांसह योगासने करतील. कार्यक्रमाचे थेट प्रक्षेपण डीडी इंडियावर होणार आहे. यंदाच्या योग दिनाची थीम 'योगा फॉर ह्युमॅनिटी' अशी आहे. 2015 पासून दरवर्षी 21 जून रोजी जगभरात आंतरराष्ट्रीय योग दिवस (IDY) साजरा केला जातो.

बातम्या आणखी आहेत...