पंतप्रधान मोदींचा स्पेशल सेल्फी:तामिळनाडूतील दिव्यांग भाजप कार्यकर्त्याचा स्वतः फोटो काढला, म्हणाले- मला यांचा अभिमान

तामिळनाडू दौऱ्यावर आलेले पंतप्रधान नरेंद्र मोदी यांनी चेन्नईत भाजपचे शारीरिकदृष्ट्या दिव्यांग कार्यकर्ते थिरू एस. मणिकंदन यांची भेट घेतली. यावेळी पंतप्रधानांनी मणिकंदनसोबत सेल्फीही घेतला. मोदींनी त्यांच्या सोशल मीडिया हँडलवर हा सेल्फी पोस्ट केला आणि मणिकंदन यांचे पक्षाचा अभिमानास्पद कार्यकर्ता म्हणून वर्णन केले.

पंतप्रधानांनी शनिवारी रात्री सोशल मीडियावर हा सेल्फी शेअर केला आणि लिहिले- 'एक विशेष सेल्फी... मी चेन्नईमध्ये थिरू एस. मणिकंदन यांना भेटलो. ते इरोडचे अभिमानी कार्यकर्ता आहेत, बूथ अध्यक्ष म्हणून काम करतात. ते दिव्यांग असून स्वत:चे दुकान चालवणारे सक्षम व्यक्ती आहे.

सर्वात उत्साहवर्धक गोष्ट म्हणजे ते आपल्या कमाईचा एक महत्त्वपूर्ण हिस्सा पक्षाला दान करतात. मणिकंदन सारखे लोक ज्या पक्षात आहेत त्या पक्षात असल्याचा मला अभिमान वाटतो. त्यांचा जीवनप्रवास, आमच्या पक्षाशी त्यांची बांधिलकी आणि आमची विचारधारा सर्वांना प्रेरणा देते. मी त्यांना त्यांच्या भविष्यासाठी शुभेच्छा देतो.'

पंतप्रधान मोदी तेलंगणा आणि तामिळनाडूच्या दौऱ्यावर होते
पंतप्रधान नरेंद्र मोदी शनिवारी तेलंगणा आणि तामिळनाडूच्या दौऱ्यावर होते. त्यांनी तेलंगणामध्ये 11,300 कोटी रुपये आणि तामिळनाडूमध्ये 5,200 कोटी रुपयांच्या प्रकल्पांची पायाभरणी आणि उद्घाटन केले. याशिवाय पंतप्रधानांनी दोन्ही राज्यांमधून प्रत्येकी एका वंदे भारत एक्सप्रेस ट्रेनला हिरवा झेंडा दाखवला. पंतप्रधानांनी तेलंगणातील सिकंदराबाद येथून सिकंदराबाद-तिरुपती वंदे भारत आणि चेन्नई रेल्वे स्थानकावर चेन्नई-कोइम्बतूर वंदे भारत भेट दिली.