उत्तर प्रदेशमधील कानपूर जिल्ह्यातील बकरू गावात 8 पोलिसांच्या हत्येनंतर 3 दिवसानंतरही गँगस्टर विकास दुबे फरार आहे. मात्र, त्याचा साथीदार दयाशंकर अग्निहोत्री याला रविवारी पहाटे अटक करण्यात आली. पोलिसांच्या हल्ल्यावेळी तो विकाससोबत होता. त्याच्यावर 25 हजारांचे बक्षीस होते. त्याने पोलिसांना सांगितले की विकासने जी बंदूक उगारली होती ती माझ्या नावे आहे. पोलिसांच्या छापाच्या आधी विकासला एक फोन आला असा दावाही त्यांनी केला. यानंतर हल्ल्याची योजना आखण्यात आली. 25-30 लोकांना शस्त्रे घेऊन घरी बोलावण्यात आले.

कल्याणपूर परिसरातील पोलिसांशी चकमकीच्या वेळी दयाशंकरला पकडण्यात आले. त्याच्या पायाला गोळी लागली. घेरावानंतर पोलिसांनी त्याला शरण जाण्यास सांगितले होते, परंतु त्याने तेथून पोलिसांवर गोळीबार केला आणि तेथून पळून जाण्याचा प्रयत्न केला. दरम्यान, पोलिसांनी विकास दुबेवरील बक्षीस 50 हजार रुपयांवरून एक लाख रुपयांपर्यंत वाढविले आहे. विकासच्या 18 साथीदारांवर 25-25 हजार रुपयांचे बक्षीस देखील ठेवण्यात आले आहे.

विकासाने एका व्यक्तीची जमीन घेतली होती ताब्यात

कानपूर जिल्ह्यातील चौबेपूर भागातील राहुल तिवारी यांचे सासरे लल्लन शुक्ला यांच्या जमीन विकासने जबरदस्तीने ताब्यात घेतली होती. राहुल यांनी विकासविरोधात कोर्टात खटला दाखल केला. 1 जुलै रोजी विकासने साथीदारांच्या मदतीने राहुलचे अपहरण केले आणि त्याला मारहाण केली. जीवे मारण्याची धमकी देखील दिली. याबाबत राहुल यांनी पोलिस ठाण्यात तक्रार दिली होती.

0